我要快快寫埋個Day 5先... 因為仲有好多野要post ar!!!!!!!!
Day 5 - 黑川 ---> 柳川 ---> 福岡
經過大約1.5小時既車程, 終於到左柳川~
朋友真係無介紹錯, 呢到景色優美, 而且仲好清幽, 好舒服啊!
長途跋涉黎到呢到除左要坐船仔遊覽柳川湖外, 另一個目的就係黎食非常出名既"福柳鰻魚飯"啊!
呢間餐廳已經有好耐歷史, 而且入面裝修得好靚, 好有特色... i like it!
一邊係較傳統既日式裝潢 (遢遢米), 另一邊就係較歐陸氣派
我地大約下午兩點幾先去到, 啱啱有兩枱人食完, 又可以俾我慢慢影相, 正!
朋友介紹得, 當然要試下佢地既竹籠蒸鰻魚飯, 另外一份牛肉鍋膳
牛肉鍋一般!!!
竹籠蒸鰻魚飯超香啊! d飯係滲晒鰻魚汁, 粒粒都好好味... 好想外賣幾個返HK俾daddy食呢!
食完一餐美味既lunch, 當然要下船仔欣賞柳川景色!
可能撞啱係平日, 呢到無乜人, 我地兩個可以包坐遊柳川~ (1000YEN一位)
好羨慕D人可以住係河邊, 好寫意啊!
呢條河有幾條橋, 每當我地要過呢條橋既時候, 大家都要挨低少少先過到, 有d橋直程個人要訓低先過到, 好攪笑!
我地個船夫都幾好人, 會幫我地影相之餘, 仲係咁話我地聽邊到有大烏龜&龜仔睇, 又指俾我地睇有蛇係河邊, 仲有佢枝杆黎捧打佢.. 好似跟左探險隊去探險咁~
遊完柳川繼續揸車返福岡, 趕住五點要還車... 今次搵呢間租車公司(ToCoo! Travel)好好人.. 我地遲左大約兩個鐘還車都無罰我地錢.. 仲要好好禮貌, 值得表揚啊!!
返到福岡我地住Sunroute Hotel, 酒店雖然唔算係大型酒店, 但勝在夠方便, 係車站隔離不特止, 仲有免費上網啊!!!!
超細房間, 但竟然廁所OK大喎!
放低行李坐地下鐵去附近shopping & dining
當晚唔記個站名係乜, 個到有間Canal shopping mall, 都幾多野行, 買左好多野!
福岡另一樣好出名既係"台屋", 類似大排檔咁係街邊任君選擇, 但我地最後都無試!
之前睇人地既遊記話"一蘭"拉麵好出名, 原來真係超超超好味.... 好彩無miss到! 最得意係佢地既自閉位, 食麵可以食得好隱閉..哈!
食完拉麵我仲一個人食多個pancake roll..正!
大少都不甘示弱, 返到酒店附近仲去KFC食日本獨有既"麵豉炸雞", 都唔錯呢!
七日既福岡之旅總算完滿結束, 九州仲有好多好靚既地方, 好值得去多幾次玩盡佢.. 希望不久既將來可以再去啦.. heeeee
今次有個咁美滿既行程, 除左多謝我至愛既大少無限量任我發板支持我既安排外, 仲有好感激好多朋友既資料提供, 語言翻譯幫忙, 仲有仲有參考好多有心人寫既遊記, 都係好好既reference, 令我呢個trip更精彩, 更好玩!
雖然我個遊記無人地寫得咁詳盡, 但都希望幫到想去福岡玩既朋友啦~
F
回覆刪除