Day 4 - 黑川 --> 草千里 --> 阿蘇火山 --> 高森田樂保存會 --> 黑川
終於講到一半啦!!! 其實都幾怕寫遊記, 因為實在太多相要整理, 好費時啊.. 但唔寫又驚將來無得回味...總之就好矛盾~
係黑川第一間溫泉吃過豐富既早餐後, 今日行程係向阿蘇山進發! 好彩既係無落雨, 但天色都唔算太好...
初初上到草千里既時候, 天色仍然有少少灰灰暗暗; 之前睇人地既遊記發現好多人上阿蘇上都會撞啱大霧, 陰天落雨等而攪到睇唔到阿蘇山既壯觀.. 話雖如此, 都要黎碰一碰運氣!
福岡除左出名士多啤梨外, 牛奶都好有名氣架... 真係好香奶味!
草千里其實無乜特別, 只係一大片擬似草源既地方(我諗夏天會靚d), 有得騎馬行個圈, 附近食下野, 買下手信, 仲有一間阿蘇火山博物館, 可以係話上阿蘇火山前既中點休閒站!
一場去到, 當然入埋博物館睇下先走... 內容大多數都係講呢個火山點形成, 仲有最得意係佢地原來set左個Camera係阿蘇火山口, 遊客可以自己將個鏡頭zoom 前zoom 後左右去睇清楚火山口最近最近既真面目!
係呢到買左好多手信, 食左好多唔同既野 (有好多試食架,,hahaah) 就繼續上火山口~
如果無揸車既遊人可以坐呢d 吊車上阿蘇火山口, 而揸車既就行另一條路! (當然兩樣做法都要俾錢啦~)
Wooooo...終於上到山啦!!! 最開心係天氣突然放晴, 有藍天白雲啊, 感謝主!!!!!
呢d聽人講係in case個火山有乜事, 俾人係呢到暫避!
終於親眼見到世界一大火山口 -- 阿蘇火山!!!!
其實呢個火山仲係活躍緊架, 對上個次活動係08年12月底, 不過我相信佢地俾得遊人參觀都應該做左好多安全既research 確保無事先俾人上去, 真係好壯觀, 睇到我又驚又興奮啊!
其實突然多左好多白煙噴出黎, d煙其實都有幾重既硫磺味, 在場既遊客包括我自己都感覺呼吸有少少困難, 不停咳,, 所以如果氣管有問題既朋友, 自己就要小心d!
好開心..終於上左黎啦! YEAH~
其實阿蘇火山唔止一樣野睇, 仲有四個景點的, 不過其他就可能無咁吸引. 呢到有直升機服務可以乘坐遊晒五個景點, 同埋可以係上空直望阿蘇火山口... 不過d直升機望落都幾細架, 而且好殘舊, 我地唔敢坐!
太多相啦.. 有興趣可以去相薄到睇!
硫磺味~都幾辛苦下WO上去
回覆刪除[版主回覆04/30/2009 13:14:00]飄左一陣就無,, 都ok既, 唔算太辛苦!
我都好懶寫遊記, 去完北海道回來都好有衝動想寫, 不過又懶去整照片, 丟開幾個月, 而家當然更冇心機寫啦
回覆刪除日本的奶類製品真係好好味!
[版主回覆05/05/2009 05:12:00]我都唔想寫,,但以往都有寫, 而且寫黎其實最主要係自己回味.. 所以我知大家會好悶, 無心機睇..但我都要寫啊!
回覆刪除呢張相好得意ar!!!~睇完你的遊記, 好想去ar!!~
[版主回覆05/05/2009 05:11:00]哈,, 去啦...福岡真係好正!
妹妹
回覆刪除寫遊記我要即日寫，一過氣就寫唔出
馬串燒...............係咪即係馬肉？我只食過薩奇馬咋
哈哈哈
愛你家姐上
[版主回覆05/05/2009 05:10:00]家姐
我好憎自己寫遊記寫成個月,, 好不知所謂囉!
我知你一定睇到好睥視我...嗚~
愛你既妹上
你上到火山, 都好好天呀.
回覆刪除又令我諗起上次愉快的旅程呢.
但而家YEN好貴喔, 成8.0呢~~~~
[版主回覆05/05/2009 05:10:00]我地去個時都係啊...7.9..
但日本真係好難抗拒...幾貴都想去..哈!
我去到阿蘇火口果日都有好大陣硫磺味呀~~ 不過可以睇到個火口都好值得
回覆刪除[版主回覆05/05/2009 05:09:00]係啊, 真係好值得去, 我之前仲擔心大霧去唔到, 好彩都親眼欣賞到佢有幾咁壯觀啊!
我去到阿蘇火口果日都有好大陣硫磺味呀~~ 不過可以睇到個火口都好值得
回覆刪除主賜福你..^^
回覆刪除[版主回覆05/05/2009 05:08:00]thank you!
wowo...a very relaxing and happy trip ah!
回覆刪除喂喂好耐冇探你, 你一定都係過得好開心架啦!
[版主回覆05/05/2009 05:08:00]係啊,, 何止開心..仲體胖啊! 死唔死~
你就好啦!!!可以上到火山口...........個日好大煙,上唔到去呀!!!
回覆刪除我都未寫晒....真係好多嘢.......未寫.
[版主回覆05/05/2009 05:08:00]你有冇改期上去啊? 真係好值得去啊...
我都覺得自己好長氣, 寫咁耐都未寫完...
靚: miss u sooooooooooooooooooooo much
回覆刪除[版主回覆05/05/2009 05:07:00]G: me toooooooooooooooooooooooooooooooooooooooooooooooo
可以親身睇到火山口, 一定好正架!!
回覆刪除有機會, 我地都要去下先!!
仲有呀.....馬串燒, 係未有馬肉食架???
[版主回覆05/05/2009 17:57:00]係啊... 個到好出名食馬肉刺生架!