養尊處優福岡trip - Day 1

一口氣去完東京再去福岡, 相比之下, 東京就顯得較為失色...  所以今次我會skip左東京既遊記, 直接寫福岡... 慳返d時間, 哈!

一向我都鐘意去一d又有景睇, 又有街行既地方... 原來除北海道外福岡都係咁...  最正當然就係可以揸車周圍去, 唔洗咁辛苦..heee

Day 1 - 香港 ---> 福岡 , 坐港龍8:25am 機, 需時三小時, 對我地黎講係easy job, 眨下眼就到

日本比香港快一小時, 到步時已經係下午大約一點鐘, 天氣好好呢~

係國內線機場附近攞完車大約兩點幾, 即時向湯布院出發!!!

偉大既衞星導航, 有左佢係日本去邊都唔怕... (雖然偶然會有少少錯漏, 但起碼唔係大錯, 最後都係好易去到你想去既目的地)

由福岡往湯布院需時約兩小時, 途中見到大型休閑處就即時入去醫下肚

就算普通休閑站內既foodcourt, 食物都係好得呢!

係休閑站歇左一陣, 買少少零食飲料, 繼續出發.....

由於大少前一日先係杜拜返香港, 第二日隨即又要去福岡 + 揸車, 所以體貼既我(自己寫完都想嘔) 係編排行程時就故意安排得輕鬆少少, 去旅行既目的除左觀光外就係希望令身心休息, 叉叉電... 我地今次呢個Trip直程可以話係 --- 養尊處優, 哈~

去到當晚既溫泉酒店, 第一個感覺 ---  好靜啊! (可能係平日既關係)  而且地方好靚好精緻, 每一件裝飾都悉心編排, 好有心思, 令人好舒服呢!  加上有一位職員識得講英文, 所以好多都可以同佢傾計, 問多關於少少呢間酒店既背景, 份外親切.

呢間酒店叫 "吾亦紅", 吾亦紅呢個名好似係日本某種花既名稱, 上年九月先開幕, 全間酒店只有四間房, 全部都有私人風侶 (附設兩至三個)..  我去到先知原來如此!

一入到房見到個私人風侶已經開心到癲左... 實在太靚, 感覺好好啊!

天氣只有六七度, 下半身浸住熱辣辣既溫泉, 上半身仲有寒風吹住... 呢種感覺真係好難形容地正, 哈!

由於湯布院係較鄉村既地方, 所以一般溫泉酒店都會提供晚餐, 一泊二食(早+晚).. 係日本最放心既就係唔洗驚無啖好食.. 所以我地都好放心接受酒店安排既食物

懷石料理既特色係每樣食物份量都較少, 但款色多... 不斷上菜, 不知不覺就食到好飽

食物質素好唔在講, 精緻度真係令人嘩嘩聲...

飯前已經浸過一次溫泉, 飯後休息一陣又再浸,  浸完真係成個人暖晒, 好舒服!!  是日十點就訓著咯...

小小資料:
湯布院係九州著名既溫泉區, 除湯布院外, 仲有登別, 阿蘇同黑川溫泉都十分出名!  開車時沿途都可以見到"煙火處處人家", 哈....  全部都係天然溫泉水, 夠晒傳統.   如果鐘意浸溫泉既朋友, 呢到真係好啱你.