Day 2 - 湯布院 ---> 別府地獄組合
其實去福岡前都睇左好多別人既遊記, 有好多地方如野生動物園, 睇阿占阿笨既動物園, 小型既海洋館等地方, 可惜對我同大少黎講都無乜興趣, 所以編排起行程時都幾輕鬆, 哈!
黎到別府最出名莫過於 --- 別府地獄組合! 呢到主要有八個地獄主題供遊人欣賞, 可以買套票行晒全部地獄, 又或者單買睇幾個心水地獄亦可! 睇完後, 本人覺得唔洗全部睇晒, 主要睇頭四個都已經ok, 黎黎去去都差不多! (頭四個較集中, 方便睇晒; 其他5-8要再開車或行好遠先到)
正宗溫泉蛋, 300yen 5隻
呢到有幾個地獄附設免費足湯, 行得攰可以坐低浸下腳 (記得自備毛巾, 或者可以係個到買, 都好方便!)
浸完成身暖晒.. 正~
係"かまど地獄"呢到有附設蒸面, 足湯, 指湯等俾遊人享用, 據說蒸氣可以美容. 好多阿嬋唔執輸係咁湧去蒸面.. 白衫阿嬋個手勢好似姥姥修練中, 呵!!
當日有團韓國團, 好墟冚呢!! 佢地成班一邊食蛋一邊浸腳, 幾爽!
日本連士多仔都靚過人!
係白池地獄附近有間"秘寶館", 我地初初唔覺係d乜, 望真d... 好多咸濕野睇, 似係電影館, 又似博物館 (因為要收入場費), 但書又無介紹過呢間野... 我好好奇想入去睇, 但又怕唔知係d乜.. 最後都係放棄! 請問有冇人去過啊????
去酒店途中又可以見到到處都係煙,, 呢到真係有好多溫泉旅館
當晚酒店係別府 --- 杉乃井
正正係別府塔隔離, 十分方便.... 但房間就無任何特式, 日式房一間 (可能頭一日既酒店實在太好, 所以相對呢間就真係好普通, 哈!) 不過令我地最滿意既就係有得免費無線上網; 仲有酒店係提供高級馬油Shampoo & body wash 系列, 用完發覺真係好正, 要即買啊!
享受完一頓美味既晚餐, 浸過溫泉後, 十一點就訓 lu~~
沒有留言:
張貼留言