Day 2 - 湯布院 ---> 別府地獄組合
朝早六點幾就起身先浸個溫泉, 然後收搭細軟就享受當日豐富既早餐
溫泉酒店大部份既早餐時間係7:30 or 8:00am到, 十點check out. 由於早餐時間前一晚會講好, 所以必須準時出席, 嘆完早餐仲可以他他條條返房浸多次溫泉/辦個大事再出發
住溫泉酒店既期間, 我地每日都十點幾就訓, 一早六點幾就會起身... 健康既生活竟然出現係遊行期間, 不可思議?!
離開吾亦紅, 開車出發往别府, 今日主要行程係行別府地獄組合~
開車不久發現沿途優美既景色, 即時叫大少停埋一邊落車影相... 真係好靚!
見到咁多咁colorful既花, 真係好鐘意日本!
湯布院有一到地方聚集好多特色小店, 當日天色都唔錯, 最啱慢慢邊行邊影相
其實我係為左呢間龍貓店而去呢到,, 初初搵唔到, 我仲同大少講不如算啦... 好彩佢既堅持, 否則就飲恨啊!!!! 估唔到原來呢到咁靚~
成條街多數係手信店, 好多特色食物&貨物,, 都幾值得去
我至愛既龍貓啊!!!!!
欣賞風景外, 購物環節都唔少得
係溫泉區地處都會有一d 無料既手湯/足湯, 費免俾人享用... 雖然唔會有咩功效, 當係暖下手都幾好
湯布院既B-Speak卷蛋好多書 & 別人既遊記都話好好食, 一定要去試... 試過後都覺得ok.. 但好似同自己整既無乜分別, 哈!
行完湯布院, 再繼續開車向別府出發~
途中又見到一個地方種滿櫻花,, 超靚啊!!!! 即時又轉入去停低影下相
係東京新宿御苑睇既櫻花得個十棵八棵, 仲要俾入場費! 反而福岡周圍不時都會見到好多櫻花... 開到成個山頭都係, 好正啊!
後來睇返書先知呢到都有提過值得一去 ---- 鶴見岳自然公園, 有吊車坐上車頂望溫布院既景色, 仲有一間九州燒酎館專賣日本清酒.
影完一輪.. 繼續上路.......
呢張相好攪笑, d樹生到好似d卡通片d劇情 --- 有個陰森既森林, d車入左去就會出唔返黎, 俾個森林食左! 哈~ (幾好想像力~)
由於太多相, 要分兩次講.... (另外仲有更多較私人既相放左係facebook, 自己友有興趣可以去睇下!)
沒有留言:
張貼留言