One day trip @ Al Ain

上星期五拉大隊同一大班(香港人)朋友往Al Ain 行個圈, 聽講話景色唔錯呢!  從我地住既地方(Abu Dhabi) 開大約1.5hrs 車就會到達 Al Ain

沿途一片死寂, 無乜特別, 要入到Town先稍為似返個有人住既地方..

開車其間追住個太陽走... 晒死人!

Al ain有乜玩, 我都唔知,, 但朋友話呢座山睇風景好靚喎!?   成座山都唔似山, 唔算太高, 而山既質感好似好鬆散, 一踩就爛既感覺, 絕對唔適宜攀爬! 

經過一條又長又彎路後, 終於到達山頂既platform

原來都有好多人突登上黎欣賞風景架!

當日天氣真係好到不得了...個天勁藍!!!!!

從山頂向下四周圍望, 見到既只係一片又一片既沙漠....

係山頂欣賞完風景再去另一個dangerous paltform睇日落!!!! (完全無欄杆圍住)

一唔小心差錯腳就係咁先!

呢到d石真係見到都覺得危危乎, 但仍然見到有d傻佬唔知點樣可以行到出去...

啱啱好睇埋日落先走人~  好靚啊!

晚上隨即去埋位於山腳位既天然溫泉區BB蕉!!!

個泉眼就係呢到, 聽朋友話d水真係好熱好熱.... 浸完對腳仲話好好訓添! (呢到只供浸腳, 無溫泉酒店的!!!!)

估唔到有咁多人去呢到bbq & 浸腳 ! 呢到一切既消遣都係免費, 自己帶爐帶食物就可以在任何位置起爐燒野食或者picnic, 相信呢到就係佢地週未消遣既好去處 - 平靚正!  所以都幾塞車!

見到呢到d細佬真係睇到眼都'突'埋,, 個個好似甩繩馬騮咁通山跑, 仲要係又斜又高既山上面'碌'落黎, 當滑梯咁玩... 個到又多石又斜, 我唔明點解佢地d父母可以由得佢地咁做.. 唔通真係生太多..少緊件都無所謂?!

一日來回雖然車程較遠而且又唔係真係好多野睇, 但偶然同一大班朋友黎玩下都幾好, 起碼weekend唔洗成日爭係去supermarket, supermarket & supermarket!!!! haaa

大少の生日蛋糕

15 Feb 係大少既生日, 相比之下... 我實在無特別點同佢慶祝, 希望送俾佢份禮物佢會啱用!

當日只係簡簡單單做左一款佢好鐘意食既"日式芝士棉花蛋糕"作為生日蛋糕... 晚上則到Shangri-La食Buffet (無錯, 又食buffet..但試完Atlantis個buffet後, 其他buffet已經唔再令我地興奮!), 就係咁好平淡咁過左一晚~

當日一起身我就重覆又重覆不停同佢講"生日快樂.. 生日快樂...生日快樂"...(好白痴!)

或者男人同女人相比, 男人真係無女人咁多要求, 即使只得一個生日蛋糕, 一餐晚飯, 甚至一句真心既"生日快樂", 佢地都覺得好OK!   雖然話男女大不同,, 但男人呢種不拘小節, 容易滿足既態度, 做女人既我...係咪都應該學下呢?! 

我實在無本事做出一個好靚好靚好花巧既蛋糕, 但願心意搭夠, 希望大少會感受得到!!

雖然遲左POST...但都再一次補祝佢身體健康, 事事順利, 一切安好! I Love you~

*********************************************************************

提外話:
經過幾日不斷既buffet攻勢, 大少係食完呢晚Buffet後又疴又嘔...真陰功!! 所以呢兩日佢都係食粥 & 早訓... 我仍然未去買餸煮飯, 日日玩pet pet,, 連麵包都無麵粉做... 噢!   下次都係唔好'chur'得咁行~

續...難忘情人節...

14 Feb 09

呢日好唔願咁起身落去食早餐, 因為我地想係check out前落去泳池晒太陽啊~~

早餐一樣去返尋日個間Brunch到食, 因為得佢一間有Breakfast Buffet, 但早餐實在食唔落太多野, 雖然款式一樣多不勝數, 但我地既戰鬥力無尋日咁強, 食飽就算!!! 

我地個房價係無包早餐, 但落到去個Waiter好似一般包埋早餐既酒店咁問你幾號房No. 然後俾張紙你 (我仲乜諗 , 咦.. 乜包埋架??) 望真d原來係張 bill, 要你即時簽數埋單!  (盛惠AED140/位)

朝早望出既景色...原本前兩日仲係Sandstorm, 個天啡啡暗暗咁,, 但天公造美, 呢日竟然超好天!!!!  感恩~

係到揀好位置後, 會有人用毛巾幫你鋪好張沙灘凳俾你享用... 好舒服!  就係咁正既太陽下晒左個幾鐘就返上房執拾細軟 check out ...

******************************************************************************

入住酒店係包埋Aquavanture pass, 但入到去唔好以為唔洗洗錢... 租個locker AED50 (分男女locker), 咁即係迫住要租兩個, 而且一個唔大, 緊緊夠放衫褲鞋襪... 入面用毛巾又係要錢,, 無沖涼液洗頭水等... 仲之乜都係要錢!!!!!  但佢個入場費好似都要AED2XX (約港紙4-500) 唔抵玩~

Aquavanture係呢個酒店附設既水上樂園, 最受囑目應該係呢條滑水天梯... 初時以為會好嚇人...但原來都係一般, 仲要無乜野睇! 好失望~ 玩完一次都費事再玩.......

另外就係坐住呢d水泡玩滑水天梯 & 穿過一條tunnel 欣賞沙鯊 (但有少少搵笨, 我都見唔到鯊魚, 同埋成個感覺同佢介紹個段短片有好大出入~),, 不過坐住水泡沖天梯都幾激刺..但玩多兩轉就好悶! 

其他水上玩意就好普通, 呢個係Wild Wadi都玩過..

玩到無野玩返酒店沙灘坐下影下相~

夜晚天氣好涼好鬼凍!!!!!!

大少話最初佢地話無位, 攪左好耐先confirm ok, 但其實個晚都唔爆.. 車!

環境唔錯,, 攪得幾有氣氛... 仲每檯有份紀念品 (Banana Republic 既香水, 男女版各一)

食物唔錯, 唯一係上菜時間太慢... 而且因為室內同露天打成一片,, 好大風, d野食好快凍晒!!

最鐘意係個甜品, 好靚呢!

Dar.. 多謝你為我悉心安排既情人節,, 好難忘呢!! 仲有最窩心既係咭入面既說話! 
I love u sooooooooooo much~
Yr Hon

難忘情人節...

Belated Happy Valentine's Day!!!!

星期四平安到步後返到屋企見到檯面有張咭喎....

估唔到大少係情人節呢d節日都會花下心思送咭仔... 未拆已經開心屎我!!  但更估唔到既係, 咭入面夾左一張入住杜拜Atlantis 既receipt, 睇真d原來book左13-14入去住一晚啊!!!

OMG~ 一直以來大少都覺得花錢去住一晚酒店係好無謂既事, 即使我成日話想去住, 豪一次, 又呢樣又個樣佢都覺得我好多餘... 但我真係估唔到佢今次會俾一個咁既surprise 我... heeeee  Dar, Thank you sooooooo much!!!!

喼都未開第二日就要出發出返杜拜... 除左酒店房外, 大少都book左佢地既Friday Brunch... 我最鐘意食Brunch Buffet, 真係未出發先興奮!!!!!

13 Feb 09

雖然唔係第一次黎Atlantis, 但今次真係以guest身份入黎, 好開心啊!!!!  入住酒店房間會送埋隔黎水上樂園入場券, 聽講就咁去水上樂園玩一張飛都要 AED2XX (約港紙5XX).. 好貴啊!!!!!

今次無影太多酒店既相, 因為上次黎已經影左... 好多人話杜拜既經濟都有大蕭條現象, 好多大公司裁員, 工程起到一半都要停工.. 今次返黎我都覺得酒店少左好多好多人啊!

我地就係去呢間餐廳食brunch buffet, 連同第二日既breakfast buffet都係係到食... 呢間餐廳提供早&晚既buffet,,, 入面好大好大好大好大,, 食物款式超多, 而且味道好唔錯, 絶對會翻炒!

環境實在太大, 而且寬敞, 我都唔知點POST好?

仲有佢地每一位服務員既態度真係頂級"一級捧", 去到邊都打招呼, 親切既笑容, 十分十分HELPFUL... 有時令到我都有d唔好意思! e.g. 我食飽左無事做行去睇下有咩漏左無食, 行近未企定d waiter已經逐盤逐盤熱葷打開俾我睇, 又好熱情咁介紹, 攪到原本唔係太想食既我都唔好意思拒絶咁攞少少黎食,, 哈哈!

我當然係最愛甜品及麵包部...係甜品部大大話話行左十轉!

我同大少一開始行完兩轉睇下環境後, 大家都一致認為每款食物只可以食一舊/一啖, 務求試晒所有食物!!!   (最後當然唔成功,, 就算每款只食一啖, 都食唔晒佢地既野... 太誇張!)

海鮮呢part 帆船就新鮮過佢地....

甜品更加無可能食得晒... 好多攞左返黎都係食一啖,, 好嘥!!!!!!

由一點食到四點, 大少飽到嗌肚痛... 激死~

價錢唔算貴(係杜拜黎講), 加埋一呢樣個樣, AED 600 兩位(約港紙 $ 1200), 平過帆船, 但整體黎講我鐘意呢到多過帆船, 較多選擇~

食完Brunch後上房休息一陣, 房間既裝修就比想像中遜色, 澳門威尼斯人仲靚d.. 我唔知最貴個隻房係點.. 我地個間價錢係中等級

唔知點解, 永遠酒店既床都係超舒服, 一訓落去即時"兩腳一伸"訓得好'林'

其後攞住張住客pass可以周圍去

照片太多...不能盡錄..

夜晚由房望出既景色...都唔錯呢!

聽日繼續水上樂園 & 情人節晚餐 @ ATLANTIS~

BTW, 大少今日生日... 祝佢生日快樂,, 事事順利.. 我依家要趕住去整蛋糕!