囍宴III

大少啱啱買左車, 依家去邊都可以揸車, 真係方便好多!!!  雖然話日日坐的士都抵過自己揸車, 但有左小朋友就唔計得咁多, 始終都係自己車方便同舒服好多~

不過大少就變左好似我地司機, 因為媽媽要倍承熹坐呢! 哈~

*******************************************************************

上星期日又去飲... 個個禮拜都要去飲, 其實都真係好悶!

不過見到朋友步向人生另一階段, 都會好替佢地開心, 只怪飲宴既形式黎黎去去都係咁, 食既野又差不多, 好漏 ~

今次飲宴係Lunch Buffet形式, 地點係美麗華酒店, 個場都好靚

樓底好高, 個場又夠大, 無柱... 啲水晶燈好靚喔!

因為十一點就出門口, 承熹未訓早覺 (佢平時朝早要訓一轉), 個樣呆呆滯滯

最近天氣都持續寒冷, 承熹都有少少鼻水, 不過唔係好勁! 大少話唔好睇醫生住, 等佢自己身體同細菌打下仗先, 唔好一病就食藥!

依家流感高峰期, 真係要小心身體, 我都唔敢成日帶承熹出街, touchwood有咩事就麻煩! 希望各位都小心身體, 唔好病倒啊~

承熹當日好乖, 叫佢同大少啲朋友恭喜發財, 佢都照做...

依家大個仔左, 開始無以前咁怕生保, 好多時都會同人笑撩人玩, 仲成日手指指想要呢樣要個樣, 好攪笑!

佢個樣真係好老積!

我自己好鐘意呢件冷外套, 我覺得好cool, 海盜look... (唔該晒Carrie姐姐係美國寄返黎!)

唔知承熹啲頭髮幾時先會生返多啲???

 

囍宴

一月份我地有三單飲宴, 其中一單係大少既家姐補擺結婚酒

我地都算係主人家, 所以當日要同承熹著得靚仔啲! 而我自己都為左呢次飲宴, 買左一條裙&一對高踭鞋 (生完仔既我, 可能肥左定聽人講生完啲骨大左, 我全部既鞋都唔啱著, 要買過晒!)

 

承熹當日都好受歡迎, 個個掙住同佢玩! 不過佢唔係個個跟, 成日都要痴住我, 好煩!

 

依家唔肯再成日坐BB車既承熹, 有時抱都唔制, 要落地行, 一放佢落地就開心晒~

煲呔熹, 頭大身細, 似足老豆! hehehe

 

我個日仲同佢擦左少少泥, gel左個頭, 不過佢頭髮太少, 唔覺眼! 嘻~

 

入席後, 放承熹係車仔俾部iPad佢玩先有啖好食! 你睇佢個樣好似真係諗緊野咁

仲識亂咁篤 (因為篤啲公仔係會郁的)

其實只係播兒歌俾佢睇&聽, 佢就玩到好似好苦惱咁! 香港人, 放鬆啲啦~

 

iPad真係小朋友既至愛, 連坐隔離既堂哥都走過黎玩埋一份

有咩事咁開心? 我都唔知, 啲細路走埋一堆就乜都笑一餐!?

依家睇返啲相先記起, 好多時出街都唔記得一家三口影張相, 成日都掛住剩係同阿仔影添

11months

好多謝大家之前留言俾我既祝福,

好Sweet呢!!!!!

 

1月10日 = 承熹11個月大

仲有一個月就一歲! 仲記得上年既一月, 大少剛剛從杜拜返港倍我等生, 24小時貼身既照顧&倍玩倍食, 令我係臨生前既一個月突然肥左十幾磅! 就係呢十幾磅攪到我生完都肥左成個碼...(原本人地一直keep得好好, 頭九個月都係重左二十四磅到, 但到生個日, 變左三十幾磅! 嗚~~~)

不過呢啲都係小事, 最感恩係神既保守同眷顧, 俾我可以好順利咁生承熹, 而佢又健健康康, 平平安安. 感恩~

十一個月大, 突然覺得佢真係大個左好多!

承熹已經無之前咁多肉, 可能拉高左 (但依然係好重手), 唯獨手仔腳仔仲好似BB咁, 肥嘟嘟!

承熹依家完全係識聽人講野, 教佢做乜, 簡單既佢好快就會學曉! 鬧佢都會知, 大聲喝佢, 佢依家會識驚, 會識停止!

依家最新既動作:

-佢會好自動咁同人拜拜 & 飛吻 (我地一出街, 佢會好開心咁同我地拜拜)
-教左佢兩日'恭喜發財', 佢就會做'請請'動作 (呢個真係學得好快)
-仲有最新既'點蟲蟲', 佢會識得樹起一隻手指, 兩隻手點埋一齊 (呢個係公公教的)
-同埋係十個幾月已經學自己行, 不過唔穩, 到今日, 佢已經可以由廚房行入尾房, 仲可以唔洗扶自己轉彎!  不過有時叫佢行入廁所沖涼, 佢會剎唔切掣, 行過龍, 行入左尾房! 哈, 見到佢行路真係好好笑~
-仲有老公同佢玩左一陣, 發現佢原來識將膠兜(由大至小個啲) 好齊整咁放好 (不過當然係你要順次序俾佢, 佢就會一個一個叠好, 唔會亂放)
-依家沖涼開始教佢分別啲公仔, 咁啱佢好鐘意'得'呢個音, 教佢Duck, Fish, Turtle, etc.. 佢會記得鴨仔圖案既係duck duck, 佢會望住自己叫'得得'

我覺得小朋友真係好得意! 佢地個腦部發展係可以咁迅速, 而且唔好睇小佢地係Baby, 好多野佢地都明白, 多啲鼓勵同俾佢試下, 佢地係可以做到好多野! 

至於飲食方面都無乜特別, 開始俾爛飯佢食, 不過有時承熹會嫌太乾, 唔鐘意食, 我就會加少少熱水, 等佢食既時候有啲濕潤, 唔洗乾啃! (因為佢未識趙到好爛先吞) 

1月10日亦都係我班好友為我慶祝生日既日子, 去左尖咀鹿鳴春食飯

為左我自己有啖好食, 依家出街食飯都會帶定啲餅餅俾佢食, 分散下佢注意力, 唔好成日扭我抱!

承熹, mama 好愛你啊!

算你乖仔啦, 肯笑下同我影相

承熹呢張笑得好假, 好好笑

呢張大少話佢好似隻公仔咁, 成個挨係我到, 任由擺怖!

多謝各位!!!!!!!!!!

PHYSIOGELTM x OilatumTM<呵護肌膚 從B開始>

新一年第一個節目就係得到笨B媽媽既邀請一齊出席PHYSIOGEL 和 Oilatum既護膚品講座.. 當然, 呢啲唔係一般咩扮靚護膚品牌, 而係對BB有用既護膚品! (聽到對BB好既野, 當然會出席啦!!!)

當日一去到就見到有好多家長同小朋友係到, 原來都好多人參加!

大家都帶埋自己既小朋友出席, 好熱鬧呢!

地點係凡高餐廳, 呢到環境都唔錯, 幾適合包場攪party

安排坐位後, 有工作人員即時為我測試手部皮膚水份, 只有48%既我.. 對手都真係幾乾!  然後工作人員再唧左啲Cream俾我擦, 話過一陣再為我測試!

 

當日有註冊醫生同護士講解好多大人同BB都會有既皮膚病, 例如濕疹, 熱痱, 敏感等...

原來BB身上有紅點或紅腫唔一定係濕疹, 有可能係太熱, 洗衣液或衣物質料破壞左BB既皮膚都會形成紅點, 但只要細心觀察同加以護理, 係可以幫BB減退呢啲問題的!

當醫生同姑娘講解完畢, 即場又做左個試驗俾我地更了解 Oilatum 既BB沖涼液點解會咁適合BB肌膚!

原來一般出面品牌既BB免沖洗沖涼液都唔能夠即時溶入水中, 要用手加以攪伴先可以溶入, 但Oilatum既沖涼液只要一倒入水就完全能夠同水溝埋, 唔洗用手攪, 可以更有效被皮膚吸收, 用後無需過水

另外佢地PHYSIOGEL AI Cream & 普通Cream 都好吸引我..

AI Cream 係不含類固醇.臨床實驗証明，可以減輕皮膚痕癢、發紅及乾燥

而Cream個支經DMS (Derma Membrane Structure) 技術製成，藉著其接近皮膚皮脂層的結構及成份，能滲入皮膚表層，強化皮膚併障

我覺得呢樣好緊要, 因為好多時醫濕疹既Cream都會有類固醇, 大人擦得多都唔好, 何妨小朋友?  同埋我自己都試過好多cream 擦個下係好潤, 但轉個頭又係乾燥爆擦, 好似都無滋潤入底層咁!  所以當佢地咁強調呢個品牌既好處時, 我覺得值得一試~

主辦單位仲好好咁送每位Blogger一份PHYSIOGEL 和 Oilatum既產品, 等我地可以慢慢試! 

及後仲有魔術表演同豐富食物!

係臨走時工作人員又再一次走黎同我測試皮膚水份, 相隔兩個多小時後, 皮膚水份依然係有提升到, 有68%, 證明佢地既Cream真係唔係擦個刻先潤! 唔錯, 唔錯~

當日承熹仲見到好多朋友仔添, 呢位係Audury妹妹... Nice to meet u!!!

承熹去台灣期間可能日日都吹風, 天氣又凍, 塊面爆晒擦不特止, 個身仲起晒粒粒, 我懷疑一係就著太多衫熱親, 一係就件羊毛冷衫'吉'到佢敏感! 由於無乜特別唔舒服, 所以我都無帶佢睇醫生, 只係同佢擦其他牌子啲濕疹膏, 但擦左幾日都唔好!

你地睇下佢幾陰功, 去完台灣返黎個身同塊面都紅到一撻撻

所以我個晚急不及待就試下Oilatum呢隻潤膚沐浴油, 因為佢有

舒緩痕癢及刺激肌膚問題 使皮膚柔潤如絲

我好想試下係咪真係咁勁, 所以即用! 哈~

放1.5瓶蓋, 即時與水混合, 變奶白色!

呢個牌子果真好得 (唔係賣廣告, 我真係站於用家立場)!! 承熹用左兩日, 個身已經完全好返晒!  至於佢塊面爆擦一直未完全好晒, 我都係用佢既IA Cream 同承熹擦左兩三日就完全白滑正, 因為佢既Cream好潤, 但又唔算'笠', 只係你會feel到擦完係有滲到底層都潤.

好似呢幾日咁凍, 承熹都一樣無再爆擦, 塊面仲超滑! 我同我老公都有用.. 哈~

******************************************************************************

主辦單位仲特別為你地呢預備左啲禮物！

讀者朋友只需回答以下嘅問題(必先登入Sina/Yahoo帳號)，就有機會得到PHYSIOGEL™ x Oilatum™皇牌試用組合！

 

1.       請問我去左邊個品牌嘅Blogger Event呢?

 

想攞禮物嘅就留言答問題啦！我會喺1月31日前揀出7位得獎者，記得番黎check下你有無中獎啦！

 

皇牌試用組合包括：

Ø   Oilatum Emollient

Ø   Oilatum Hypoallergenic Wash

Ø   PHYSIOGEL AI Cream

 

有關產品資訊可以到以下網址瀏覽：

Oilatum: http://www.stiefel.com.hk/products/aili-she-oil.html

        PHYSIOGEL: http://www.stiefel.com.hk/products/physiogel-ai.html