三月份生日飯

每日都有同承熹影相, 不過多數都係用iphone影, 貪佢夠就手! 不過依家既承熹成日周身郁, 又無以前咁易笑, 越叫越走, 真係想影張靚相都難!

呢輯相係之前三月時影的, 醒起朋友送左幾對boots俾承熹, 但一直都無著過 (因為佢對腳太漲卜卜, 又唔識轉彎, 塞唔入落對boot到!), 依家佢大個仔左, 希望佢肯合作下轉對腳入去, 唔好嘥左人地一番心意麻!

一身RockNrOLl never DIE既打扮!

但個樣Rock 唔起! 哈~

就係呢對Boots, 終於著到!

後面睇又好似幾型!

加埋窄腳窩釘牛仔褲,, 唔睇正面都幾型喎!

一睇正面就成個阿叔咁, 衣不稱身!!!!

影左幾幅相, 最後臨出門口時都係換返波鞋, 始終呢啲Boots都係得個靚字, 相信承熹著得唔舒服(仲成日仆親), 都係唔好為一己私慾而迫佢著....

夜晚去左北角一間齋鋪食齋 --- 素之樂, Member Only!

係一間私房菜既齋店, 每日都係唔同菜式, 收費以人頭計算!  

先黎有湯.. 但唔記得影, 個湯係超好味的!!!!!

頭盤, 個梅子蕃茄好好味, 好清新!!!!!!!!!!!!!!!!!!!!!

 

 

其他都唔錯

素燒賣

鮑魚菇

唔知咩名.. 但好味!

唔好意思, 我又唔記得係乜..哈哈

薯蓉

蒲汁時蔬

椰汁飯

甜品: 蘋果酥 & 杏仁茶

佢啲份量會因返人數而出, 我地十個人去食, 所以每樣份量都幾大份!

Happy Birthday to Stan!!!!!!

呢餐晚飯每位大約三百, 以私房菜黎講, 唔算貴, 而且好好食!!!!! 大家可以一試, 因為好似可以即時申請為會員~

素之樂