今日係承熹十四個月大
每星期日都會帶承熹上Babygym, 希望佢從中試下同一大班小朋友一齊玩, 同埋訓練下佢啲手腳協調
不過每次去完我都好攰, 因為大部份玩法都係要父母協助, 要用力抱/扶/托去幫佢地完成, 所以每次玩完我都會出一身汗, 大少話益左我, 幫我減肥喎! >_<
有時係屋企或者係公園未必會做到既動作, 係Babygym呢到就可以俾佢試下, 始終有導師指導, 有好多活動都幾好玩!
呢個訓練佢地行平行木, 對腳係要好似行catwalk咁先行到
承熹行就無問題, 不過成日唔望地下, 唔扶住佢就一定差錯腳!
呢個訓練佢用雙手既力去撐起自己既身體
承熹真係好大力, 唔洗扶佢, 佢都可以hold住自己
可能BB仲係輕, 佢地比較容易做到, 俾我就真係無可能! 哈~
承熹每次都俾呢個大波波吸引, 一見到呢個波就失控, 咩都唔肯玩, 剩係要痴住個波!
阿仔, 我俾錢你黎呢到玩, 唔係剩係玩呢個波波架!!!!!!
唔知係咪男仔既關係, 對波既物體特別鐘愛, 呢個籃球仔又係佢至愛!
星期日係我地好珍貴既Family Day, 承熹依家大個左, 帶佢出街都無以前咁麻煩, 因為呢個為食仔只要有野俾佢食, 佢就可以乖乖地坐係到 (雖然只係俾白飯佢食, 佢都好開心... 真係勁為食!)
去大坑嘆下午茶, 承熹見到好多狗仔同雀仔, 好開心!
媽咪都唔識嗌, 反而成日叫Bird Bird!
古靈精怪!
睇到呢張相都覺得佢好似小男孩, 唔似BABY, 時間過得真係好快!!!!
越大越似你！
回覆刪除[版主回覆04/11/2011 15:48:00]好野!!!!
我家希都係一樣, 只係白飯都食得好開心.
回覆刪除哦! 原來你報左呢間playgroup.
[版主回覆04/11/2011 15:48:00]依家開始乜都俾佢試下, 但有時出街食太油就只可以俾白飯
係啊, 貪方便麻!
承熹真係大個o左好多....個樣勁似你老公.....heeheheh
回覆刪除[版主回覆04/11/2011 15:48:00]十個有八個半都話佢地似樣.. 但我覺得似我多啲, 哈哈!
Diana ~~
回覆刪除承熹每個成長過程都一樣好得意又好靓仔 真係人見人愛
哈 ~~ 原來佢好愛玩波波 唔知大個之後會唔會係運動健將呢
[版主回覆04/11/2011 15:48:00]影子,
多謝你長期都咁誇獎我個仔,, 哈哈! 佢係咪運動健將都唔重要, 最重要品行唔好太壞就得架啦~
熹熹越大越可愛,我好like睇你個blog架.放多d你地既相上去呀...佢笑起來好sweet架..thanks for your sharing!!!
回覆刪除[版主回覆04/11/2011 15:48:00]多謝你既支持啊!!!!!!
大個左好多, 好精靈好可愛, 個樣好似你
回覆刪除[版主回覆04/13/2011 01:43:00]多謝你啊!!!!
大家好
回覆刪除. . . . . . . . . . . . . . .
承熹真係大個仔左呀! 小朋友真係大得好快架...我睇返自己仔仔幾個月之前既相都覺得佢唔同左樣喇!
回覆刪除[版主回覆04/13/2011 01:43:00]我成日都睇返承熹細個啲相..haaaa 可能個個媽媽都係咁!
真的是時間飛逝.....轉眼間已經十四個月啦!!!
回覆刪除真是越大越精靈可愛!!!
[版主回覆04/13/2011 01:43:00]真係眨下眼啊!!!
佢玩o個個好似好開心咁喎haha
回覆刪除[版主回覆04/13/2011 01:43:00]佢好好笑, 佢玩到尾尾無力, 但佢唔敢放手, 佢會望住我求救
佢兩臂吊起自己真係堅啊!!!
回覆刪除我呢d老野已經無可能做到.
哈~ 其實你地都一樣"擒高擒低", 同樣一齊出身汗, 幾好啊!
做完運動胃口都好d, 難怪承熹白飯都食到幾碗.
[版主回覆04/13/2011 01:43:00]我都無過佢可以自己吊起自己,, 我都無可能做到!!!!!
佢依家可能為食多過想食.. 見大人食乜佢又要食埋一份, 不過佢肯食都好過唔食!