囍宴@三月

三月底參加朋友既婚禮, 係我呢個年紀, 正值適婚年齡, 差不多個個月都有人結婚... 見到都戥佢地開心 ~

今次呢位新郎係以前係杜拜識落, 雖然大部份人都無再係杜拜做野, 分各東西, 但好感恩我地一班朋友仍然keep in touch, 經常會攪gathering聚舊, 呢份友誼真係好難得.

第一次去尖沙咀呢間伊甸園, 感覺都唔錯

地方都幾闊落, 但唯一美中不足係時間得半小時, 趕鴨仔!

新郎聚左一位越南人, 第一次見越南style既婚紗, 幾特別, 好似旗袍, 但入面會著條褲

上午觀完禮, 夜晚去The One - 迎, 呢間酒樓既食物好唔錯呢!

承熹著住件背心係溫暖牌黎架! 不過唔係媽媽織, 係媽媽朋友既媽咪織架, 好勁, 好似兩日就起工, 快靚正~ (多謝晒Alan's mama)

傻豬成日見到陌生人都木口木面

我係一個去邊都鐘意帶住BB既媽媽 (當然睇環境啦), 但一般飯局或gathering, 就算辛苦啲我都會帶埋承熹去, 一來唔想成日留佢係屋企對住姐姐, 二來想佢見多啲人, 唔好咁怕醜, 咁痴身...  不過似乎功用不大, 佢仍然係好痴身! 

不過好感恩, 承熹唔係一個難湊BB, 好多時帶佢出去食飯, 佢大部份時間都會乖乖地坐係到, 有時玩下電話, 有時玩下MENU, 有時望住大人講野, 有時食下手指發呆...  好少會大吵大鬧, 好多哥哥姐姐都話佢乖! (感恩感恩)

有得落地行就開心返少少

去到尾聲開始眼訓...

媽媽一抱就冧晒!

祝佢地永遠幸福快樂, 白頭到老!