十四個月大生活點滴

十四個月大既承熹, 基本上作息時間同之前無乜分別, 都係八點起身, 中午十二點會訓到一兩點, 夜晚大約九點半訓

飲食方面食多左好多好多野, 基本上大人食乜, 唔太喊, 唔太油既都會俾佢食, 不過大部份都係正氣既野... 承熹係一個為食BB, 見親我地食野都一定會走埋黎又想食埋一份, 仲要食得好快, 好大啖.. 希望再大大下都keep住呢個飲食習慣, 唔好偏食啦~

思想同行為方面, 一日千里!!!!!! 依家學野超快, 無論動作或語言, 都係你做一兩次, 佢就會學識, 模仿力好強.  而且佢開始有思想, 見到某啲野佢知道下一步係乜, 佢會配合你..

例如: 工人開水俾佢沖涼, 如果我仲係廳上緊網, 佢會行黎我面前不停講BB話, 意思話我知要沖涼啦, 媽咪, 你快啲入黎啦 (因為由細到大都係我同佢沖, 佢只會搵我)

又例如: 見到你沖好奶 (轉緊枝奶時), 佢會自動自覺先入書房等你(因為要攞紗巾), 然後再入睡房飲奶.. 每次佢都會行先過你, 如果你唔入去, 佢會係房伸個頭出黎望下點解仲未有人入黎, 好好笑!

佢呢排個性格變得好開朗, 去親邊到佢都會撩人笑, 同人揮手say hi/ bye bye/ 飛吻, 見到差唔多大既小朋友會主動走去同人握握手, 同人笑, 好熱情! 同之前相差好遠.. 之前佢見到陌生人會怕醜, 有少少呆滯, 但依家完全兩回事.. 唔通大一個月就真係會差咁遠? 

babygym既導師問我承熹幾大, 我話十四個月, 佢好驚訝十四個月可以行得咁好, 行得好快, 好似識跑咁, 佢仲講笑話: 再大啲咪識飛!  哈... 呢個仔唔怕死,  第時實係百厭仔

我平時用呢枝探熱器同佢探額頭, 佢依家攞住呢枝野唔會再放入口咬, 會知道係用黎探額頭

呢排天氣好熱, 承熹熱到著咁少都出晒汗 (因為成日通屋走)

承熹長左好多好多.. 個沖涼盤應該唔用得幾耐

呢排天氣熱, 有時會沖兩次涼, 懶得開水, 我就試用花晒俾佢企係到沖, 佢有少少驚花晒, 但都OK, 應該好快會習慣

右腳俾唔知乜野咬, 但只係咬右腳, 其他地方又無, 我估唔係係屋企咬..陰功!

古靈精怪!

大肚腩 summer look!

考考佢!