契媽結婚大日子

經過兩次打完一大篇後突然消失天與地, 我就無心機再寫blog...

加上十一月係大忙月, 每星期唔係要帶承熹去interview, 就學校季旅行,一係大少公司旅行, 仲有其他大大小小既gathering

一打開個Calender, 見到每個星期六日既appointments都密密麻麻, 想訓晏少少都唔得

不過, 最忙碌既日子總算過去, 今個月又要迎接每年最期等既聖誕節  好期待!


11月17日係承熹同采霖契媽既結婚大日子

契媽佢地選擇係挪亞方舟設宴. 對我地黎講, 挪亞方舟都係第一次入去

雖然我唔係契媽既姊妹團, 但我都好想親眼睇住佢出嫁既每一個細節

所以我一早已經plan定前一晚舉家入去方舟住一晚作好準備, 免得第二日趕頭趕命

妹妹第一次坐船, 原來係中環碼頭坐馬灣船入去珀麗灣只需要20mins, 十分方便!



我地租左八人房, 除我地一家四口外, 仲有公公

八人房有兩個洗手間, 唔洗掙

房間有四套'轆架床', 都幾企理乾淨, 另外再request一張BB床

承熹第一次接觸"轆架床", 佢以為係公園啲樓梯, 即刻話要爬

妹妹第一次出外過夜, 大少話今次係一個試驗, 睇下帶妹妹出去過夜有冇困難, 如果OK, 下次去旅行都可以帶埋佢去

 

妹妹一向訓覺都係一個乖寶寶, 平時係屋企佢大約七點半至八點就訓, 之前可以一覺訓天光, 呢排唔知係咪凍得滯, 好多時十一二點會喊食奶

但我只需要將枝奶俾妹妹, 我就可以上床繼續訓, 佢就自己飲, 飲完放低個樽, 自己執返個奶咀食, 就又可以訓天光! (當然, 我好多時係扮訓, 等佢訓著我就幫佢執返個奶樽同抹咀先訓得安心)

所以我同大少都覺得妹妹真係好抵錫!

當日係挪亞方舟, 由於我地等埋契媽上頭, 又同其他朋友傾計, 攪到成十一點阿妹都未訓, 但佢實在太眼訓, 俾左枝奶佢後, 就算開晒燈, 高談闊論, 都無阻妹妹訓覺既意欲

承熹又同花女喜兒練習一下點行禮

不過個晚個個都訓得好好, 唯獨我咳到半死, 成晚無訓~

第二朝去食早餐時又係培養花仔花女感情既好時機

承熹好有哥哥風範

Yeah..... 我踏入小社會(小學一年班)第一個認識既朋友, 估唔到眨下眼已共渡半世, 呢份友情又如親情

古惑承熹影相又唔合作

好鐘恴佢個煲呔, 係Old Navy買, 6蚊美金

雖然我自己唔享受結婚攪咁多野 , 但見到佢地玩新朗&兄弟, 我都覺得好好笑

傻豬 + 傻媽

Wooo... so sweet!



契媽揀挪亞方舟既其中一個原因係因為佢地個露天行禮區, 真係幾有Feel~

妹妹未識行, 好多時都訓左, 所以影得唔多相

承熹係臨做花仔前兩個鐘訓著左, 一直訓到就快行禮都未起身, 最後俾我剷醒繼而換禮服

就係咁, 衰左! 完全唔肯行, 扭晒計, 點都唔合作, 嬲到我暈!!! (因為令到契媽個緍禮唔得完美>_<)



過左大半個鐘既warm up, 承熹先正常返, 但可惜契媽已行完禮

祝Cherry & Kit 永遠幸福快樂, 相親相愛, 甜甜蜜蜜都永遠!!!!!!!


P.S.  承熹件禮服係淘寶買的, 質地超好, 一套三件, 條褲仲可以調較大小, 值得推介!!! 如有興趣就PM我攞條link 啦 ~