之前講過俾大家知我地去左Sens Studio (太古店) 到影家庭照
原先我係o係團購買$268 個package 包12張相, 連相架, 相簿
但影過呢啲家庭照都知道, 好少人真係可以用package價落樓, 至少我知自己唔得, heeee
今日終於有相睇, 我特地叫埋daddy倍我去揀相, 因為我怕自己又忍唔到手買太多
我地total影左13x 張相, 有左承熹既經驗, 今次揀相方面, 我好狠心咁篩走唔太突出既相, 同埋同一個pose但唔同笑容既我都只會揀一張
最後, 我都係揀多左20張, 額外俾左$1600
佢地offer原價額外$100/張, 買滿20張就八折, 全部要晒就$3680
anyway, 今次係同妹妹第一次影, 咁耐以來都無乜影過一張正正經經既"全家幅", 所以我覺得1600蚊都acceptable啦!
好鐘意Kidinc既衫, 著到兩個好得意, 我地一家人有共同logo但又唔會太死實實一式一樣, 大力推介!!!!
我知道佢地剛出左冬天新裝, 黎緊月尾我地又會去影(今次去Sogo Face, heeee), 我都會入定貨!
我今次特別要求要淨色Background, 因為想淨係影自然feel
位於太古華蘭中心既Sens面積唔算十分大, 乾淨程度可以接受, 我選擇佢既唯一好處係近屋企, 我覺得團購玩下都值得去試
就算影得唔太十分好, 都總有值得揀選既相, 就當搵個專人用靚機幫自己影下全家幅吧!
Best Big Bro & Best Baby Sis (by Old Navy)
要兩隻小鬼坐定定一齊影係最難, 因為我一放低妹妹佢就喊, 承熹又成日過份活躍周圍走
相比之下, 承熹比起妹妹當然投入好多啦, 佢當日唔知做咩心情大好, 好多時都肯跟住攝影師既指令, 所以係32張相入面, 承熹佔既比例都比妹妹較多
出年二月既時候係佢三個(加埋大少)既生日月, 到時我都會再book影樓影相, 希望妹妹到時識行識玩, 會影得好啲啦!
Nice ~ 我都期待佢再有團購我又買來玩下先, 不過上星期入o左faces團購, 等餅2歲半時去影, 可以o既話, 我想頭幾年keep住半年一次, wakakakka ~
回覆刪除我家人都想影啊？請問他們服務好嗎？
回覆刪除[版主回覆01/02/2013 19:38:28]唔錯呀!
The pictures are nice and all of you look great
回覆刪除全部都好鬼靚ar
回覆刪除影得都好靚喎
回覆刪除最like 係最後尾一張囡囡的獨照:)
影得好靚好自然呀
回覆刪除Love all of them!!! Everyone looks happy! :-)
回覆刪除heheh...我都買咗呢間同face的團購...希望...我都忍到手唔加相啦﹗買之前我都打過去問，都知extra $100張...咁揀多幾張...不如買多個package???
回覆刪除[版主回覆01/02/2013 19:38:07]你地最後影成點? 滿意嗎?
beautiful and blessed family!!
回覆刪除我地都有影哩間, 不過係觀塘店, 果時冇join團購, 都要成7xx (冇記錯), 仲記得幫佢地買左個video, 你地有冇買呢??
回覆刪除[版主回覆01/02/2013 19:37:39]無呀, 隻碟好似過千蚊隻, 所以無買
我在團購JOIN左,D相真係好貴要$100元一張好唔底,影出來的相差好遠,因JOIN的時候又話包執相上到去就話如果一張都唔買唔會幫我地執相,最後只好同SENS佢地買左本相簿才幫我們執相,又話3個月內可拿,打去幾次都話做更,現在成大半年都未有得拿...都唔知點算
回覆刪除路過有見同感，留個言...
回覆刪除上年8月影完要剛剛1月尾至有相攞,。過程一肚氣,貨不對板 >.<
下次有朋友送COUPON都一定唔會再去 =.=
忠告：如果要不一次付款，同埋要寫清楚Quality 要求, 唔係去都消委會都幫唔到你。