一屋病人

好耐無見, 大家好嗎?

我地就唔太好啦, 一家人病晒 (除姐姐外, 好彩!)

首先係承熹, 佢應該係上次扁桃腺發炎後有少少傷風未清引致...

返唔夠一星期學又鼻塞, 完全訓唔到

睇完醫生食左三日藥無好不特止, 仲咳埋, 勁多痰~

跟住再睇醫生就話有濃痰要食抗生素先得! sigh~

由10月13日到依家, 一個月唔夠前前後後食左24日藥.....

承熹由好怕食藥變得easy job, 食得快, 無扭擰了!

真係陰功.................................... 瘦左係必然, 仲要面青青, 都唔知幾時先補得返~


不過最肉赤都唔係佢, 而係妹妹

妹妹頂左成大半個月, 最後都頂唔到, 一齊病!

病徵同哥哥一模一樣, 又係鼻塞訓唔到, 繼而咳, 勁多痰

仲要啲鼻涕黃黃綠綠, 杰撻撻.... 唔係鼻水咁間單

啦啦聲一早同佢去睇醫生, 我自己都睇埋 (喉嚨痛)

依家屋企啲藥多過糖.... 記住自己, 承熹同埋阿妹啲食藥時間都記到亂晒龍!

 

病到呆呆滯滯

阿妹鼻塞到對眼都腫埋

相對承熹病得黎又幾精靈, 除左咳一啲都唔似病, 仲好鬼古靈精怪

叫佢笑, 唔叫由志何, 一叫就整呢啲反眼樣

希望啲細路快啲好返啦, 今次好返我會帶佢地去打流感針啦, 之前一直都唔打, 諗住無乜用, 但醫生強烈建議打, 我都係乖乖就範!

你地有冇帶小朋友打呀?