Happy New Year!

Happy New Year!!!!!!!!

今年同往年一樣, 係唔會出去同人迫... 其實諗諗下好似讀書時期有出去同同學去倒數外, 之後都無再咁做過, 因為我份人實在太怕人多擠迫, 哈!

自從同大少去左杜拜後, 每年除夕都係二選一

一係就留係杜拜同大少過

一係就留係香港同朋友過

好似無試過一齊過!!!

今年係我一直渴望已久既時刻, 就係同大少搬返香港長住, 同渡每一個節日, 最完美係可以同埋老豆&好朋友一齊過, 唔洗再飛黎飛去!

眨下眼又一年, 大少返左黎香港足足一年 (上年就係1月1號返香港), 時間過得好快, 呢一年有承熹既出生, 生活模式同態度都完全唔同晒.. 可以話係有驚又有喜!!! 哈~ 

所以, 真係好感恩!!!! 雖然平淡, 但好滿足, 好快樂~

今日係2010年最後一日, 我一早同好友們約左去飲茶, 飲完就..........開枱!  打到七點散場, 各自回巢倍家人或另一伴, 呢個安排係最完美, 有得同朋友聯誼, 但又唔會冷落家人

夜晚我負責2010最後的晚餐:

有芥茉子蜜糖烤雞, 參照大少奶第三本書整架! 連最奄尖聲悶既老豆都話隻雞烤得好嫩, 好好食!

另外有藍貝

大量雜菜

仲有五成熟牛排, 好好味!!!!

雖然無出去慶祝, 亦無出去食大餐, 但我覺得可以好無憂無慮咁同家人一齊係屋企食餐飯, 已經係一件好值得感恩既事!  希望來年大家都健健康康, 快快樂樂

攝於24/12

我地一家係26-29 突發安排去左台灣一轉, 遲啲再補返啲相!

觀禮日

啱啱過左呢個Weekend真係攰到爆!

應該係話, 呢排我真係攰到癲, 因為呢個十二月有好多活動, 有blogger gathering, 又book左影樓影聖誕相, 又去迪士尼, 又有朋友結婚.. 今日仲參加左個聖誕派對 (以上節目全部都有呢隻小魔怪份, 大部份都係我單拖帶佢出去)

仲未計我自己平時約朋友出街既節目.. 哈! 真係好攰, 但攰得黎好開心 ~

星期六就係好友Kathy既結婚大喜之日, 佢地係中環八號碼頭伊甸園攪註冊, 天氣雖然幾凍, 但都帶埋承熹去一齊觀禮

等入場中.... 承熹次次出去見到陌生人時個樣都嬲爆爆咁, 激死人!

承熹, 呢個係契媽啊!!! 上個禮拜先見完, 咁快又唔記得~

進場前同靚靚新娘影返張相先!

等緊新人入場, 承熹好八掛, 成日周圍望, 人地係後面傾計, 都無撩佢, 佢都眼金金望實人地, 好似想搭訕咁!

仔啊仔.... 你唔食手指個樣醒好多, 你可唔可以唔好再食手指啊???????

哈, 呢幅相係契媽影既, 當日我全日抱住承熹, 影相既重任就交左俾佢!  我見到呢張相, 我同契媽講: 嘩, 你影得好好啊!!! 好有feel, 影到對新人好似外星人咁.. wakakkakakaa (當然我係笑緊佢啦, 因為佢成日影相都影到濛鬆郁!)

不過, 由於背光+角度唔係太好, 所以真係影唔到靚相.

禮成後大家就出去同對新人影大合照, 個日天氣雖然凍, 但有太陽, 都OK啊!

阿仔...同媽咪既中學同學打下交道啦, 唔好咁Cool 啦

人地撩多佢兩撩又係到扮怕醜, 嗲到暈...

人地唔理佢時, 佢又走去望人, 正一seafood鬼, 哈!

終於等到同靚靚新娘影相啦....

欣欣: 恭熹晒你同亮亮, 祝你地永結同心, 白頭到老, 開開心心咁手挽手過每一天!

承熹, 你都覺得Kathy 姨姨好靚呢~

同對紙版新人影返幅先! 承熹仲幫我手撐住, 哈

花女姐姐, 好可愛! 承熹, 你做乜又咁cool?!

走完上半場, 下半場返太古飲茶...承熹順便訓個幾鐘叉叉電!

好彩當日有契媽係到幫手湊承熹, 否則我真係手都斷!

承熹終於俾面肯笑下...

太古城既聖誕裝飾都唔錯, 好有聖誕氣氛

我見到自己呢相張......突然覺得自己個笑容...... 好媽媽Feel, 哈!!! 想唔認老都唔得 >_<

承熹每次開心都會腳Fing Fing..好好笑!

承熹由朝踩到晚, 中間返左屋企食粥沖涼後, 夜晚再同契媽一家人食飯, 好開心

契婆同契舅父... 契舅父好靚仔, 承熹好鐘意聽佢唱歌仔!  

10mths@Disneyland

星期一同家人帶埋承熹一齊去入迪迪尼

未出發前都有少少懊腦, 因為入親迪迪尼至少都大半日, 點都一定橫誇一餐奶 + 一餐粥, 想偷懶攞少一樣都唔得

今次大少無去, 所以負責孭承熹物品既責任好自然就落去我到.  平時一餐奶/一餐粥咁孭出街, 我都已經覺得有啲重, 更何況今次要孭兩餐?!

但是, 雖然話咁細個BB都唔會記得自己去過邊, 唔洗帶佢地去, 無咁麻煩! 但我個人認為, 如果個達地方係安全的話, 就算辛苦啲, 我都想帶埋承熹去.  因為每當我見到靚既地方, 我都希望可以一家人齊齊整整咁影張相, 又或者係我開心既時候, 我都會希望佢地會係我身邊, 同我一齊分享!

同埋我諗將來承熹見到自己啲相都會好開心, 佢應該都會感受到父母好愛佢, 咁辛苦都肯帶住佢去, 哈哈哈!

傻豬笑起上黎個樣真係好甜..哈!

初初都有笑容, 但坐左成個鐘頭車, 承熹都開始攰了!

仲有少少笑容

開始嬲爆爆咁, 無晒笑容

仲要放蚊添, 好唔俾面姐..

承熹, 你下次再去迪士尼應該識行啦!

傻仔...

仲乜咁興奮?

原來係見到Donald & Daisy, 換聖誕裝好靚

承熹對佢地好好奇? (只限遠望, 一行近啲就驚)

好可愛喔!

我地當日大約三點先入去, 入到去三點半做巡遊, 四點有米奇米妮影相, 我好想同承熹同米奇米妮影, 所以我三點三開始排隊影相, 一邊排一邊睇巡遊.

承熹就同公公坐埋一邊玩相機?!

排左個幾鐘終於可以同米奇米妮影啦, 但承熹一見到佢地就好驚, 係咁伏係我膊頭, 米奇同佢揮手, 佢想喊咁滯!

阿仔阿仔, 媽咪為左你先排咁耐隊, 你點都要忍埋落去, 唔好喊啊!!!!!!!

講真, 俾著以前既我, 一定唔會排, 係諗都唔會諗.. 但為左同承熹有個回憶, 我忍......

雖然承熹無望鏡頭, 個樣又驚驚地, 都已經好感恩~

今年既怖置靚過上年

排完隊影相後就要餵奶, 跟住換片, 攪攪下都大約五點!

好肚餓, 要去醫肚

超好味既米奇窩夫, 真係好好味 (可能因為肚餓)

超眼訓樣又走出黎啦!

同承熹去就無可能再去玩, 只係四圍行下, 頂多shopping一陣

好想同承熹影晒迪迪尼既頭飾, 但承熹未帶, 一見到就喊定, 佢好似好驚

夜睇大約七點有飄雪, 承熹覺得好得意, 周圍望... 哈!

睇完飄雪無睇放煙花就走人, 費事同人迫! 

呢日真係攰到爆, 好似擔左成日泥咁, 因為承熹好驚迪迪尼既公仔, 加上成日都無訓過, 好扭抱... 抱到我手都斷!!!!!!!!

但好感恩, 可以好平安咁帶住承熹去玩一日, 已經好感謝神!

10mthsssssss

十個月既承熹

仲有兩個月就一歲.... 

有幾個朋友問我, 你開始幫佢搵playgroup or Pre-nursery 未? (但問我既人係承熹出世一個禮拜已經問我攞左出世紙報左學校未??? 我聽完真係傻眼....... )

老實講, 我真係睇都無睇過, 諗都無諗過住...

唉, 我知係依家呢個社會, 就算我覺得安排咁細既小朋友去讀乜讀物係好嚇人既事, 但我都必需要去面對, 唔可以一意孤行話唔理就唔理

我都同意小朋友自小接觸多啲人係好既, 至少佢地唔會太痴身, 見到陌生人都唔會咁易喊, 會知道呢個世界唔係只得佢一個

所以我諗我都係要'的'起心肝睇睇有咩playgroup啱承熹去參加

噢!!!  一諗起就好抗拒, 因為我都係buy身教多過咁細個安排出去學乜學物

可能我對playgroup既認識唔了解, 可能無我想像中咁差, 又或者真係好啱小朋友去

唔知... 交俾神!!!!!

 

 

承熹依家自己企得好穩, 好多時佢會突登唔扶野自己放手企, 如果加埋我讚佢好叻仔, 好野喎!! 佢就會好開心, 好開心~

咁細個小朋友都鐘意人'乙水', 真係攪笑!

帶左冷帽既承熹, 塊面既肉唧埋係兩邊, 望落好似好肥嘟嘟咁, 好可愛!!!!