今個月二十日承熹就100日大啦!
呢隻小魔怪真係越黎越抵打, 之前仲好乖咁肯自己訓, 食6oz奶, 次次唔洗十分鐘就飲晒, 單單o個個禮拜就即時重左, 大脾都粗埋.
但好景不常, 呢幾日佢又玩對抗, 突然間唔肯飲奶, 頭個幾十ml都好似OK, 但好快就兩頭擰, 跟住就死都唔肯飲.. 無論人奶或奶粉都唔濟(以前飲人奶會受落d), 每次一停左後再將佢打橫抱, 想墊條紗巾落下巴已經喊到拆天, 好似攞佢條命咁, 唔知想點?
飲奶飲得唔好, 相對訓覺又訓得唔好, 呢個係一個惡性循環, 真係唔知點好? 但佢又唔係唔舒服, 因為一唔迫佢飲奶, 打直抱起佢, 佢就同你笑, 死唔死! 唉, 最緊要佢唔係唔舒服, 可能係傳說中既厭奶期掛?!, 我地迫一兩次唔肯食就由佢, 希望過多一小陣就會回復正常啦!
我覺得湊小朋友真係好考耐性, 阿b今日正常唔代表以後都會正常, 因為bb一日一日咁大, 日日都會轉變, 吸收唔同既新事物, 佢會改變係理所當然; 做人父母, 最大問題唔係有冇四百萬去養bb, 而係有冇咁既耐性去照顧, 去教導一個小朋友.
我由細到大都無乜耐性, 三分鐘熱度, 仲有少少狂燥添..哈哈哈! 依家有左承熹, 家人都話 --- 哈, 依家有人你收你啦~
無錯, 神賜呢份禮物俾我, 令我感受到我除左要盡力教好承熹如何做人之餘, 同時我亦學習緊點去做一個人!
所以話: 做人父母甚艱難, 但都感恩神一直帶領! 
承熹依家越黎越多野講, 仲越講越大聲, 第一次聽到佢笑得咁多聲卡卡聲, 好好笑!
教小朋友的方法真系好多好多, 仲要識變,個方法人哋得咩!吾代表用在自己的小朋友系work , 咁至玩死你, 不過當自己能找到適合的方法時, 真系好開心, 因為"佢"同自己合作, 自己會有無比的滿足架...............
回覆刪除[版主回覆05/17/2010 23:59:00]你講得啱啊! 我初初都會好在意, 點解人地個BB咁咁咁, 我個又唔係咁咁咁..加上佢初初都幾難湊. 但後來我都明白到, 個個BB都有唔同性格, 唔可以一概而論. 而且, BB根本就係一張白紙, 真係要慢慢教先可以培養一個身心健康既BB, 絶對唔急得!
我由細到大都無乜耐性, 三分鐘熱度, 仲有少少狂燥添 <----- 我同你一模一樣呀~~
回覆刪除生左仔仔之後真係好唔慣架，差d攪到抑鬱咁滯，有時又忍唔住發佢脾氣鬧佢喎...諗返都覺得佢好陰功....不過照顧佢耐左我耐性真係好左d....但係只限對住佢囉.....對其他人我都係同以前一樣架咋
[版主回覆05/20/2010 22:28:00]係啊, BB都唔知自己做緊乜, 鬧佢都無用. 所以我地唯有忍忍忍忍忍..ahahahhaaaa
佢係咪有Ｄ嘢想同妳講呢....
回覆刪除[版主回覆05/20/2010 22:28:00]佢可能想叫我抱佢
大脾粗好有節爪feel呀!
回覆刪除[版主回覆05/20/2010 22:28:00]係啊.
我囝囝現在都是很多東西說的
回覆刪除[版主回覆05/20/2010 22:28:00]佢地好可愛!
可能佢想同媽咪傾計呢!
回覆刪除我以前試過教bb用條脷仔整"得得聲"結果佢地真係ok喎, 妳又試下ar好得意架!
[版主回覆05/20/2010 22:29:00]我有試, 但暫時都未得..hehee
我加沛b雖然算係易湊, 但佢食奶好一時時, 訓得好又係一時時. 通常佢食得好時訓得好, 但有時就算食飽飽夜晚訓得唔好扭黎扭去, 要氹又呵再陪玩一陣先肯乖乖地再訓過... 對住自己小朋友燥底少少都唔掂, 我依家真係發覺自己比未生前有耐性同溫柔左好多 (剩係對住個b時 ), 環境造成唔到你唔信!
回覆刪除[版主回覆05/20/2010 22:29:00]係啊, 食得好就訓得好, 訓得好先會食得好, 呢個係一個循環
承熹好得意呀,好鐘意聽你講野^_^
回覆刪除[版主回覆05/20/2010 22:29:00]佢依家成日撩人傾計
我對BBS又係最近食奶都唔知搞乜鬼...一抱佢食奶佢就好似知道咁...真係無佢辦法...還有佢地到已家都仲係食4安半...佢地唔係好鐘意食奶咁.....激死...今日係我對BBS100日啦....我都祝你個BB健康快樂
回覆刪除[版主回覆05/20/2010 22:29:00]我個仔平時好鐘意食架, 不過依家可能越大越八掛, 成日周圍望, 又好怕熱, 稍為出少少汗就唔肯食.
肥頭以前兩三個月果陣又係厭奶, 我改用一個2號奶咀就無哂事喇 ... 可能d奶出得快d, 佢又飲得爽手d啦 ...
回覆刪除[版主回覆05/20/2010 22:29:00]佢用緊chu chu母乳奶咀, 呢款奶咀無分號數, 同埋佢都肯食返, 就算!
haha, he is talking to you. That's so great!!!
回覆刪除[版主回覆05/20/2010 22:29:00](Empty)
放心啦! 大部份BB都會有這階段的，很快就回覆正常的，起碼BB佢之前3個月都乖乖呀! 我個細女連續8、9個月都是每日8-12次奶(晚上最少都有3次至6次呀!現在1歲了咪又幾好囉! 全世界最有耐性最偉大的便是媽媽呢!
回覆刪除[版主回覆05/20/2010 22:29:00]無錯, 有時見到佢地咁煩都好忟憎, 但佢地又唔明, 又唔可以向佢發脾氣, 真係少D忍耐力都唔得..
厭奶期
回覆刪除M&C大約4個月嘅時候都係咁呀
明明好飲得
點知有一段時間用盡方法都飲唔晒要飲嘅份量
過左呢段時間 (都唔記得幾耐 ~ ) 就又正常返呀 !
係呀 ~ 照顧BB真係好有耐性
佢地越大越挑戰你嘅耐性呀 !!
哈哈 ~ 無錯 ~ 我本身做所有野都係3分鐘熱度架
唯一係對住M&C ~ 無限嘅耐性同心機就會出晒黎
我咁講一句 ~ 世界上真係得M&C可以收服自己
[版主回覆05/22/2010 15:46:00]鄭太,
你簡直無敵啦, 我覺得你好叻架, 因為你湊一對孖仔不特止, 仲好識分配自己私人時間.
你都知..初為人母好容易乜都掛住個仔先而迷失自己, 但我覺得你好叻, 你無論工作, 家庭, 同老公/自己既時間都會分配得好好, 唔會偏死一邊, 真係唔易.
我依家等緊個姐姐黎, 我都要重拾自己, 唔可以無左自我, 起碼一定要有時間返返教會!
小魔怪而家越大個越好玩越得意呢, 你同佢玩佢又識比反應你, 攪到你更開心
回覆刪除[版主回覆05/25/2010 22:58:00]係啊, 越大越多表情, 越多反應.. 不過相對又百厭左, 依家抱佢, 佢已經周身郁~
Of course we want to have baby .. but because my husband just start a construction business here and he is always very busy..so we decide to wait for one year and lets everything been settled down little bit . .. then we will start work on it hahaha..
回覆刪除[版主回覆05/25/2010 22:57:00]小生命係上帝所賜, 我相信係適當既時候, 自然就會有, 順其自然啦!
Hi Diana, Thanks for you adding me!!
回覆刪除