好生活by LG

家姐大少奶話我知LG攪左個好有義意既活動!

就係只要有Blogger願意寫一篇網誌, 而提材係講'好生活', LG就會向聯合國兒童基金會(UNICEF) 捐出一千元善款

咁有意義既活動, 只係出少少綿力就可以捐一千元, 當然要出一分力啦!

 

 

'好生活'對於我黎講, 我覺得除左有堅定既信仰外, 往往令我感到舒服同開心既, 原來真係好簡單

~ 最愛既家人朋友健康平安就係我感到最開心, 最無壓力既時候! 

可能經歷過痛失至親既感覺, 所以依家睇野都睇得好開... 唔再為一啲小事而鑽牛角尖, 更加唔會為左一啲無謂野睇唔開. 係我心目中, 只要我最愛既家人同朋友都健康, 我個心就唔會有壓力 (因為我個人認為, 呢個世界大多數係無乜野解決唔到, 點都一定有路行)

所以要好好珍惜身邊人, 珍惜健康既你!

 

~ 另一樣對我黎講既'好生活'當然就係可以做一位全職媽媽 ^_^

自從生左承熹後, 每日都係自己湊, 由佢第一下識抬頭, 識笑, 識轉身, 識拍手, 識坐, 識自己攞奶樽等等等等每一個動作, 我都能夠親眼睇到, 呢樣係我覺得最享受, 最開心! 

雖然有時都覺得辛苦吃力, 但所有媽媽都會一樣, 為自己兒女付出既, 乜都值得啊!!!

 

~ 最後一樣我諗好多人都同我一樣, 可以同朋友吃喝玩樂無所不談

人生得一知己死而無憾! 但如果你擁有既係唔止一個, 而係一大班真心既朋友, 你話做人幾happy! 好朋友既定意唔需要真係日日見, 日日傾電話 (當然有部份仍然會經常聯絡), 但大家個心都會好著緊對方, 會默默為對方加油. 

能夠同好朋友一齊分享心事, 美食, 聊天等... 真係人生一大快事!

我既好生活就係咁簡單, 你地又如何?