上星期六入青衣探朋友既new born baby, 朋友屋企本身已經有小朋友, 所以特別多玩具, 承熹一去到就自動波周圍係咁玩...
探完bb, 成屋小朋友一齊落樓下公園玩吹波波
復活節前夕, 家姐大少奶同餅神Vanlily上黎我屋企攪個小食會, 家姐仲帶左一位好乖好可愛既小朋友黎同承熹玩. 呢位小朋友係女仔, 大承熹四年, 但佢係一個好懂事既細路女, 好識得禮讓承熹, 每次見到咁乖既小朋友, 就好佩服佢地既父母, 一定係身教教得好~
睇下當日我地各人準備既食物....
開完小食會, 一齊落太古睇Lego 展! 實在太多人, 影得麻麻, 我只揀選一啲我覺得幾特別既建築物
有機會大家都去睇睇, 都好值得去架~
十四個月大既承熹, 基本上作息時間同之前無乜分別, 都係八點起身, 中午十二點會訓到一兩點, 夜晚大約九點半訓
飲食方面食多左好多好多野, 基本上大人食乜, 唔太喊, 唔太油既都會俾佢食, 不過大部份都係正氣既野... 承熹係一個為食BB, 見親我地食野都一定會走埋黎又想食埋一份, 仲要食得好快, 好大啖.. 希望再大大下都keep住呢個飲食習慣, 唔好偏食啦~
思想同行為方面, 一日千里!!!!!! 依家學野超快, 無論動作或語言, 都係你做一兩次, 佢就會學識, 模仿力好強. 而且佢開始有思想, 見到某啲野佢知道下一步係乜, 佢會配合你..
例如: 工人開水俾佢沖涼, 如果我仲係廳上緊網, 佢會行黎我面前不停講BB話, 意思話我知要沖涼啦, 媽咪, 你快啲入黎啦 (因為由細到大都係我同佢沖, 佢只會搵我)
又例如: 見到你沖好奶 (轉緊枝奶時), 佢會自動自覺先入書房等你(因為要攞紗巾), 然後再入睡房飲奶.. 每次佢都會行先過你, 如果你唔入去, 佢會係房伸個頭出黎望下點解仲未有人入黎, 好好笑!
佢呢排個性格變得好開朗, 去親邊到佢都會撩人笑, 同人揮手say hi/ bye bye/ 飛吻, 見到差唔多大既小朋友會主動走去同人握握手, 同人笑, 好熱情! 同之前相差好遠.. 之前佢見到陌生人會怕醜, 有少少呆滯, 但依家完全兩回事.. 唔通大一個月就真係會差咁遠?
考考佢!
四月係好友貞貞生日, 一班朋友出去食飯, 今次揀左銅鑼灣 Cafe One
雖然Cafe One 啲食物一般, 不過因為朋友有會藉, 有半價優惠, 而且大家諗唔到食乜, 平平地食buffet就唔洗煩! 因為有會藉關係, 仲有生日蛋糕送
