非常重要

原來我只係一時既錯覺, 以為自己除左對pet pet有興趣外其他都提唔起勁

但當我再次做返包包既時候, 發覺我既至愛仍然係包包, 嘻!

好耐無食白吐司, 係香港唔會做呢款包包送俾朋友, 太齋啦.. 只適合係屋企作早餐! 不過越簡單既包包卻越得到我同大少既寵愛

今次呢款白吐司係跟獨角仙既食譜, 但我無用17小時低溫發酵, 改為即時中種發酵, 效果一樣出色~

而且今次焗完出黎效果好靚, 色澤剛好, 每楷大小一致, 好有滿足感!!! ^_^

初時都有少少擔心跟獨角仙既食譜但無用鮮酵母, 效果會唔會略遜一籌?!  但大家睇到相片中包包既質感, 應該都會同我一樣感到滿意!

早餐係每天新開始既第一餐, 一直以來對我黎講都係非常重要!!

服食 (厚吐司 + 沙樂美 + 煎太陽蛋 + 蔬菜 + 香濃咖啡) = 得到 (充滿活力既人生 & 一篤令人舒暢既大便~) 哈!!

食譜來自 : 獨角仙 - 白吐司