High Tea @ MO

好多謝Esther姐姐上星期請我同承熹去文華高茶(hightea)

好耐無黎呢到啦, 對上一次黎應該係一年多前既事

一直對佢地既玫瑰果沾念念不忘, 就算明明係減緊肥都要仆去應約啊!!!!!!!
 



Tea Set 第一層係包類, 第二層係咸點, 第三層係甜品, 另外仲有Scone另上



除左個二人tea set外, 因為朋友們未食lunch, 所以另外叫左啲小食

大人同細路都一樣咁愛既炸薯條 (叫住承熹唔好食咁多, 但其實我自己都忍唔住係咁食 >_<)


蕃茄濃湯 <--- 朋友話好好飲

配湯既包包


Opera <--- 好好食!!!!!


Passion Fruit <---- 熱情果味, 好清新, 好特別!! 值得一試



其實呢啲英式high tea試過咁多間, 我覺得間間都有佢地獨特既'must eat item', 文華俾我既印象除左好出名既Cheese Cake外, 我最鐘意就係佢地既Scone



我覺得口味既野個個唔同, 我鐘意既未必係其他人都喜愛, 所以都係純綷分享下! 
點解我咁鐘意文華既Scone???  我唔識形容個啲口感, 有少少黏口, 但又唔會太乾身, 外面少少脆口但內裡又軟綿綿;  加埋佢地出名既玫瑰果占, PERFECT!!!!!

 

高茶一定要配咖啡




承熹不停食食食...

 

最鐘意藍梅

好努力咁拔黎食

 

 

 
一粒都唔可以嘥

食完飲啖水沖下個口再食其他野!

古靈精怪

食飽返屋企, 經過公園, 承熹會識同我講: 唔好返去住, 玩多陣吖! (都唔知邊到學返黎?)

小朋友鐘意去公園玩係必定既事, 我都好樂意去倍佢地去.. 可能自己細個無人帶我去公園, 所以我覺得有父母肯願意花時間帶自己去公園玩係一件好幸福既事, 幾攰都要倍佢地玩一陣

好簡單咁同佢玩peekabo, 傻豬都已經好開心

之前陀住妹妹, 少左同承熹落公園, 今日發現佢真係大個仔好多!!

承熹以前係唔敢玩打千秋, 就算我抱住佢玩, 佢都唔enjoy, 成日喊走...

但今日佢肯自己坐上去, 仲要俾一個陌生哥哥推佢, 佢都無話驚! ^_^

http://www.youtube.com/watch?v=5CqsG9AhxlU&feature=youtube_gdata_player <--唔知點解上載唔到, 有興趣可以click入去睇睇)

另外就係佢可以完全自己爬樓梯或繩網, 最安慰係睇得出佢係識得自己分析扶邊到係安全, 未搵到個安全位唔會亂郁住, 每一步都有諗過度過先行,好有危機意識, 叻叻!!