預祝父親節

上星期天, 提早慶祝父親節

今年父親節, 爸爸同大少都多左個'靚女'倍佢地過, 就係采霖妹妹啦~

記得上年父親節我啱啱陀住妹妹, 嘔到七彩, 父親節飯又係食buffet, 但我就乜都食唔落, 好陰功!

眨下眼, 妹妹就在眼前, 而且仲四個月大啦~

今年我揀左去Shangri-La Cafe Two,

好耐無黎啦, 印象中都幾多野食, 尤其甜品都好多選擇

好想狂食海鮮&甜品!




話明預早慶祝父親節, 著返件"I Love DAD" 黎下節先!

承熹初初係車到訓著左, 一直都唔肯起身, BB車又俾阿妹訓左, 放唔低個仔, 心諗又要輪住食

當各人都攞晒野食, 輪到我出去攞完返黎, 承熹已經好精靈咁座左係到, 個食相已經ready晒~

生左個為食仔有好有唔好, 好既就係一有得食就開心, 好易氹; 唔好既就係成日都話要食呢樣食個樣!



寶貝仔起左身, 即刻唔敢怠慢, 自己未食都啦啦聲出去攞啱佢食既野返黎俾佢食!

叫佢同碟食物影張相先啦, 一手已經攞左粒蕃茄仔放入口了!


承熹好鐘意食壽司, 尤其手卷, 原因係佢鐘意食個塊紫菜, 同埋都好鐘意食三文魚子&蟹子

其他食物方面, 佢鐘意食啲爽身既野, 瓜類, 茄子, 栗米, 冬菇, 竹笙, 椰菜花, 西蘭花, 蓮藕, 四季豆, 魚, 肉餅, yogurt, 藍梅, 士多啤梨, 西瓜, 蘋果, 提子等等等等...數之不盡!

但佢都有唔鐘意既食物, 例如: 木瓜, 紅豆沙, 淋滋滋既野



人仔細細, 佢都真係幾拆得!


 
令舍姿整, 每食完一啖雙手有少少污糟都要即抹



睇黎又要換相機, 部相機俾承熹耐唔耐跌一跌, 質素好似差晒! (但大少堅持話因為環境黑喎!)



好大隻龍蝦, 好好味!!!!!


我無影晒佢地既buffet bar, 最受歡迎都係海鮮, 沙律區, 鐵板燒 & 天婦羅


我唔係食左好多碟, 不過今次無我想像中好食, 因為美中不足係無生蠔!!!! 一心諗住生完BB食返夠本架麻~

左上係鵝肝燒帶子, 隔離個張係願盅燉湯, 呢兩款食物出親都要排隊, 痴線~

甜品方面較有特色, 好多中式甜品 (有特色唔代表好味, 不過不失啦~) 西式甜品強差人意!

食到中段妹妹都起左身, 依家妹妹無之前訓咁多, 醒左鐘意周圍望, 撩人傾計, 勁嘈!

著左裙都唔似女仔, 唉~


妹妹, 妹妹,, 雖然你似男仔頭, 但媽媽都好肉緊你喲!!!!



攞左公公個雪糕黎食



食飽飽



錫錫媽媽

承熹依家一見到茶壺就會問我: 係咪Teapot呀? 係咪this is a handle, this is a spout 呀? (發音當然有啲lur啦!)

另外又好鐘意講, itsy-bitsy spider好鐘意爬係水管到呀? 有冇落雨呀? 係咪沖走晒itsy-bitsy spider呀?

(以上兩首都係兒歌黎, 小朋友真係好好記性, 聽過一個故事或一首歌, 只要你詳細少少同佢講過下個內容, 佢就牢牢咁記住, 跟住去到任何地方一有少少同個啲事物有關連既野, 佢就會講得返出黎, 好勁!!!)










承熹依家呢個年紀影相係最不受控制, 你越叫佢望鏡頭越唔望, 越叫佢唔好郁, 個對腳就好似有虱咬咁, 不停fing來fing去, 有時真係影到火到黎!

一個都已經難捕捉, 加埋阿妹簡直笑到疆硬都未影到一張滿意!!!!!

話咁快又去到2012年6月, 眨下眼八月尾承熹又開學返N班, 其實有啲唔捨得個仔咁快要返學, 好以一踏上呢條返學之路就好慘, 無晒童真, 唉~

希望到時承熹返學會返得開心, 我都會慢慢適應啦!