再試 Miele PureSteam

之前咪介紹過Miele 既PureSteam 蒸爐, 個次去完佢地showroom, 睇完示範, 又食過蒸爐所煮過既食物, 攪到我一直心思思想買

加上我聽完身邊有兩位親身用家(自己俾錢買既朋友), 以及你地有啲用家既留言, 令我對呢部蒸爐更加有信心

對我黎講, 初時知道Miele個蒸爐要過萬蚊一部, 確實有點卻步
 
不過我好多謝Miele邀請我去佢地攪既event, 令我知道原來依家有啲咁方便好用既蒸爐

上次去試既係特色菜式, 味道當然好味啦! 但對於我地日日煮飯既家庭黎講, 撲實既小菜先係最常煮, 而且食極唔厭

所以大少都好疑惑用呢啲所謂"蒸爐"蒸出黎既魚夠竟有冇明火蒸咁好食?!?

就係因為PR知道我有心買, 所以佢地好好咁邀請我上去多次試菜

而今次既菜式就係我最concern既---- 主家菜! hehehehe

Welcome drink with snack

今次無上次咁多人, 感覺更自在一點, 啱晒我可以放膽不停問問題, 哈哈!

而當日示範既菜式其中係蒸飯, 蒸肉餅&蒸魚

佢地即場示範用15MINS就可以一次過蒸以上三樣食物

將需時最長既先放入去 1. 碗裝飯 (15mins, 如煮一盤需時要長少少)

過左3分鐘後可以放肉餅 (12mins)

再過3分鐘最後放條魚 (9mins)

跟住唔洗理佢.....

上次試過燉木瓜燕窩, 今次試啲平實少少 --- 紅豆燉蛋

又係自己親手整! 原來好簡單, 一隻蛋配一盒北海道鮮奶, 加1.5匙TS糖隔籬倒落杯到就攪掂, 鐘意可以加紅豆蓉/栗子蓉/芋蓉等..




說時遲那時快, 眨下眼就15mins, 蒸飯, 肉餅 & 魚可以同一時間上枱
 

相信對於放工仲要煮飯既人黎講, 15mins可以煮起一餐飯確係一件好方便既事!

 

除左以上既餸菜, 仲有原盅燉湯 (呢個當然之前一早燉落, 需2.5-3小時),  但一個蒸爐可以燉好多碗喎, 方便過燉盅

蒸飯 -- 出黎既效果係煲仔飯既口感, 粒粒分明! 如果放兩條蠟腸落去煮仲正~

不過可能對於小朋友黎講會偏硬身, 但呢個問題好易解決, 加返多啲水咪得囉! 
 

超好味既蒸肉餅 !!!!! 巧妙之處原來佢地加左冬菜, 增加口感及香味, 餸飯一流~
 

我本身好鐘意食蒸魚, 所以蒸唔蒸到一條美味既魚出黎係我最緊張的!!!!

效果唔需多講, 睇笨B媽媽個blog都知蒸魚一流, 加埋自己親身品嚐, 無得頂~ 

菜其實都可以蒸, 而且一般兩三分鐘已經攪掂! 

就咁望啲菜有啲'寡', 但食落又好爽口同埋食到菜本身既清甜, 好好食喎!  耐唔耐咁樣清清地食菜都唔錯, 好彩我同大少本身都係淡口味既人, 所以呢款蒸菜啱我地杯茶啊!

另外我已經諗到將來妹妹半歲大時, 我就可以靠呢個蒸爐整蔬菜蓉同埋煮粥仔俾佢食, 方便之餘仲可以更容易控制份量, 唔洗下下煲一大煲粥食唔晒!

最後就試返我地自己做既甜品!!!  
初初以為無乜特別, 但原來咁簡單既做法, 竟然可以做出超滑既效果, 有左呢部蒸爐仲洗出去食燉蛋? (最開心係一個爐可以一次過蒸十幾杯, 啱晒開party招呼朋友)
 

 

食飽後再嘆返杯Miele咖啡機沖既咖啡, 好滿足~

一如以往, 有禮物收 

 朱古力, 承熹係咁吼住...

再一次多謝Miele俾我感受多一次呢個蒸爐既威力, 令我更加放100% 心去擁有佢!!!!