出發---> Tokyo

攝於06年新宿街頭

闊別兩年有多無去東京, 今次同一班朋友去, 希望一切順利! (因為我有兩個朋友係路痴, 其實我都係,,, 大家真係攬住一齊'屎'!!!)

無大少係身邊倍我, 我要孭起照顧同伴既責任... 有點兒緊張~

anyway, 希望一切順順利利, 大家能夠盡興!

請為我們祈禱啊!!!!!

下個月見~~

High Tea@Landmark

繼Mini's birthday party 後一天, 家姐問我去唔去high tea?!

係中東餓左咁耐既我, 老虎蟹緊係要去嘆下啦!! 如果唔係大少奶帶我去, 我真係唔知Landmark原來有間咁正既cafe.

Hightea Set available at 3:00pm - 6:00pm, no reservation, first come first serve!

當日剛好有四個人, order兩份Hightea Set. 其實佢有得揀pastries set /sandwich set, 價錢好似$238, 平少少.  以上$298就係mix, 全部都有齊!!

先來一杯Latte...好香濃, I love coffee!!!

 

Scone係點任何一款都有既, 每人兩件, 一款原味, 一款檸檬... 超正!!!!!!

見到成枱食物我就好開心..hehehe

太多種類既sandwich & pastries, 我覺得每款都好好味, 而且仲要係好精緻! 好想再去encore~

以下呢四件係我至愛!!!!

辣煙三文魚三文治, 超正!!!!!!

煙三文魚酥餅撻... 一流!

呢間既Marcaroon又係好好味... 我越黎越愛馬卡龍!!!!

唔知叫咩, 但有熱情果味, 酸酸甜甜, 賣相一流... 愛死!!!

全份tea set得呢件蛋糕無食到, 因為實在太飽太飽, 但依家有d後悔, 應該少少都試下麻...

其實$298+10% for 2 都唔算貴, 因為佢地散賣一件cakes都要$40一件, 我地食左咁多件, 乜都抵返, 最緊要係好味, 物超所值! 不過講坐得舒服, 當然不及Harlan's 啦~

食完tea再shopping 完家姐仍未有返家之意 (因為佢之前係屋企困得太耐...哈!)

後來就轉戰去我屋企玩煮飯仔... 但唔洗我出手..yeah!

一煲蕃茄牛肉豆腐滾湯, 雖然簡單.. 但好好飲, 好濃蕃茄味呢, 蕃茄係我既"飛佛"啊!

白汁沙樂美煙三文魚pasta...有我至愛既辣味沙樂美腸... yummy!!!!

仲有4.5成熟既紅酒牛排... 哈, 見紅的...是我最愛的!

好豐富既一日... happy~

Mini's Birthday Party

一返黎就馬不停蹄有節目.. 個人雖然好攰, 但超開心呢!!

星期六係Minicorgie既birthday party, 趕得切返黎參加, 真係開心屎我~

一早相約阿茄係銅鑼灣先飲杯咖啡再買食物, 以下呢間 Cafe Corridor (<--地址) 真係好唔錯, 無論咖啡同食物都好正!!!!

太耐無出街影食物, 咖啡一黎我就落糖攪拌, 完全唔記得要影... 攪到阿茄呆左!

知道今日一定又會飽到嘔, 所以我地order一份All Day Breakfast頂下肚就夠, 但其實份ADB 都幾大份, 我覺得share 都OK~

成份早餐都好好味... 大少一定鐘意死

急急腳買完食物就衝上Mini屋企.. 一上到去已經成檯食物, 然後食物不斷車輪戰咁出場... 我直程影都影唔晒 (其實係掛住食..heee)

上半場食物好似好健康.. 大部份都係沙律~ yummy,我鐘意食沙律啊! 仲有CC既turkey ham 卷荔枝, 有驚喜啊.. 好好味!!!

繼姐作品... 讚! (但你仍然欠我一件無花果撻!!!)

菇菇姐作品.... 讚!!

好似都係菇菇姐作品.... 讚!!! (但有d芒果竟然無剝皮~)

阿G & 咪吉既大量長柄士多啤梨!!! 真係超大粒, 如果中東都有呢d士多啤梨就好啦~

估下佢係邊個?

呢個時候仍然有栗子買,, 即時買一磅齊齊剝栗子!

一班餓鬼開餐.. 情境有點兒驚人!!!!

經過一輪飲食洗禮, 某人要提早離場, 所以要提早切生日蛋糕....

yeah yeah yeah...好彩今次黎到呢個party, 餅神既餅真係好好味!!!!! 焦糖咖啡脆脆蛋糕 ---- 我至愛既咖啡,, 超讚~

飲飽食醉後, 高潮先至來到~~

B爸係我地新加入既成員!! B媽, 以後都要帶佢黎啊....

B爸教我地玩"非洲華士啤", 初初我地都好似遇老千咁係咁輸錢俾佢, 以上既相就係佢贏我地既"買餸錢", 哈~

但後生女學野當然快手快腳, 一個峰迴路轉, 我地最後大獲全勝, 可憐既B爸又洗牌, 又派牌, 又教我地, 又娛樂我地....但最後都係贏得------------- 1蚊!!! heee 真係辛苦晒~~

不過我相信佢都好開心我地學有所成, 無辜負佢一番心意,, 哈哈!!

玩啤牌其間又有食物不斷推出, 真係辛苦晒mini & 大隻佬, 係咁serve我地啊!!! (真係唔好意思)

估下邊個咁為食忍唔住手!

仲有parma ham & smoke salmon 夾哈蜜瓜, 燒蜆, 辣酒煮花甲, 燒魷魚, 燒牛肉, 燒雞軟骨等等等等不能盡錄!!

今日真係好開心...

係到祝MINI 生日快樂, 身體健康, 同大隻佬日日都開開心心啊!!

sooo tired!

平安到步啦!!

今日下午十二點班機就到香港機場, 比起平時早左半個鐘... 

尋晚雖然訓唔'林', 但斷斷續續都捱過七個鐘,, 我覺得自己依家坐飛機叻左, 覺得無以前咁難過! heheheeee

今日返到屋企超攰啊, 好想訓但又唔敢訓, 怕依家訓左今晚又訓唔著..

今晚約左朋友食飯, 因為要問佢地借福岡書藉....

呢排日日都上網搵福岡遊行既資料, 又要plan行程, 搵溫泉酒店, 不斷咁睇睇睇睇到眼都盲埋, 膞頭緊晒...真係好好好好好好攰.....

呢兩日會盡力搵埋剩餘兩晚既酒店我就會抖下唔理咁多,, 到時去到邊就玩到邊啦,, 我唔想再諗啦!!! 好多人都remind我去旅行應該relax and enjoy, 所以我都唔編太多行程,  relax最緊要... 相信只要有大少加埋去日本玩, 應該去邊都會開心的, yeah!!!!!

最新消息 : 暫時唔洗去台灣, 下個禮拜可以留低同朋友們聚下, 唔洗咁頻撲!

家姐, 你要快D好返, 我要同你去扮河馬啊~

 

請伸出援手 ^_^

呢兩個星期突如期來既轉變令我有少少手忙腳亂!

首先無啦啦同朋友仔講下講下又成左團一齊去東京自由人5D4N, 由planning 到confirm晒機票酒店, 前後不足數天!

之後仲好好planning 咁諗住去完東京留係香港等大少返黎再踩去台灣探媽咪... 但尋日又收到Daddy通知要改期早d過去, 依家'o雪' 一聲又要係去東京前先去台灣!!!

咁都未夠,,, 依家變左無得同大少去台灣, 但又想去個short trip, 講講下就話去福岡啦!! (唔好問我做乜唔直接係東京去福岡, 事態突然, 混亂中!!)

Final Itinerary 依家變左 :

由杜拜返香港 ---> 台灣 ---> 香港 ---> 東京 ---> 香港 ---> 福岡 ---> 香港 ---> 杜拜

台灣同東京我唔擔心... 最煩係福岡個程,, 係國泰假期 book左package 包兩晚酒店, 但其餘乜都未攪, 今日上網睇左成日資料睇到眼都花!!!!!!

始終無本書係手, 硬係好似無乜頭緒咁!!!!!  依家要係到誠邀各位幫忙呀,, 如果有人去過福岡玩, 可唔可以提供一下遊記/重要資料俾我啊!!  (我地諗住去7D6N, 會租車) 

希望有熱心人事伸出援手幫忙,, 萬分感激~~

最近仍然無乜煮飯, 前日做左芝麻包包 (係跟獨角仙食譜加以少少改良)
包質依家軟熟, 唯獨係欠缺好味既黑芝麻醬做饀料, 下次返香港一定要大量入貨!!

呢個張型麵包模係對上係香港時同yy cake一齊去上海街買, 做出黎效果好靚, 我好鐘意呢!!! 勁平, 好似三四十蚊咋~

各位親朋戚友,, I'll be back soon.... 預約接受中, 哈~

非常重要

原來我只係一時既錯覺, 以為自己除左對pet pet有興趣外其他都提唔起勁

但當我再次做返包包既時候, 發覺我既至愛仍然係包包, 嘻!

好耐無食白吐司, 係香港唔會做呢款包包送俾朋友, 太齋啦.. 只適合係屋企作早餐! 不過越簡單既包包卻越得到我同大少既寵愛

今次呢款白吐司係跟獨角仙既食譜, 但我無用17小時低溫發酵, 改為即時中種發酵, 效果一樣出色~

而且今次焗完出黎效果好靚, 色澤剛好, 每楷大小一致, 好有滿足感!!! ^_^

初時都有少少擔心跟獨角仙既食譜但無用鮮酵母, 效果會唔會略遜一籌?!  但大家睇到相片中包包既質感, 應該都會同我一樣感到滿意!

早餐係每天新開始既第一餐, 一直以來對我黎講都係非常重要!!

服食 (厚吐司 + 沙樂美 + 煎太陽蛋 + 蔬菜 + 香濃咖啡) = 得到 (充滿活力既人生 & 一篤令人舒暢既大便~) 哈!!

食譜來自 : 獨角仙 - 白吐司

近況

啊.... 太耐無蒲頭啦, 真係唔好意思!!!!!!

今次返黎Abu Dhabi後既生活同以往真係大不同, 亦因為咁所以令我無論入廚或上網寫blog既次數都大大減少(但亦有一部份時間去左pet pet 到..heee)

大不同既主要原因係大少係到識左一班係Abu Dhabi做野既"香港人", 一來大家都係來自香港, 實係同聲同氣d; 二來呢班"香港人"當中有男有女, 年紀有老有嫩, 都幾啱傾啱玩!  依家係到既生活變得多姿多采, 每個星期至少都有兩三次聚會 --- 有飯局, 打保齡, 打golf 等...

人始於都係喜歡群體生活, 之前個兩年好多時都係同大少兩個人生活, 偶然同同事食飯, 雖然表面上無乜問題, 但學菇菇姐話齋, 咁既生活始終唔健康~

依家多左同唔同既人接觸, 人都開朗d!!!  另外感受最深都係覺得原來當大家都身處外地既時候, 大家會特別團結及會互相照顧... 我唔知係因為咁啱撞正呢班都係好人定點? 又或者可能呢到生活無香港咁緊張, 所以每個人處事既態度都輕鬆d, friendly d掛? anyway, 感謝主俾我地與到一班夾得到既朋友!

今日一口氣做左兩盤包包, 因為前一晚做過後發現效果唔錯, 可以大量生產送俾人...yeah~

腸仔包真係好好味.. 今次又試新麵粉, 效果仲好過之前個d... 超超超超軟熟!!!!!!!

oh.... 返左黎咁耐第一次整, 買啱麵粉後要大量入定貨!!!

另一盤係肉鬆包... 個面燶左少少, 但好再無影響口感,, 一樣超讚!!! 食飯前大少己經食左一隻半,, 食完飯後佢又食多一隻!!!!!

一口氣做左二十一隻包包,, 晚飯過後即刻送外買俾朋友仔... 其實尋日已經做左一盤, 但已經俾其中一班朋友殺左上黎我屋企ko晒, 所以今日就送俾第二班未試過既朋友~

其實我好開心有人欣賞我整既野食, 希望佢地會真係鐘意食啦~