Miele "Puresteam． Pure Love" Mother's Day Gathering

早前有幸得到德國名牌Miele邀請出席佢地攪既“puresteam．pure Love” Mother’s Day Gathering

未去之前都見過某啲blogger已介紹過呢個電蒸爐, 聲稱全100%蒸氣烹調, 方便不特止, 最重要係令食物既維他命及營養價值保留得更多

心想, 有冇咁勁啊? 出面都有蒸爐賣啦, 有乜咁特別??



今次有機會自己親身上去佢地既VIP Lounge到睇示範及品嚐由此蒸爐做出既美食, 真係好想知有咩咁唔同!

Miele呢個品牌唔算陌生, 但一睇就知佢地既產品唔平囉!


今次請既所有blogger都係媽媽級, 大會既邀請咭都配合返主題: Mother's Day



一上去就見到佢地一排咖啡機及焗爐! 氣派果然非同凡響



話明VIP Lounge, 當然係要被邀請先可以上黎, 同埋呢到擺出黎既產品, 好多都係未發怖或市面無得賣, 真係大開眼界
(第一次見到酒櫃+咖啡機既配合, 非常完美)



之後有工作人員講解下Miele既歷史, 產品及理念






 
仲有機會見識到一套三十幾萬既雪櫃加酒櫃, 個雪櫃仲大過我屋企個衣櫃


 
另外都有略略介紹下佢地既洗衣機, 特別之處係佢地試過放枝玫瑰花入去洗, 朵花竟然絲毫無損地出返黎, 可以想像到呢個洗衣機係幾咁'溫柔'去洗衫, 唔怕洗were衫, 有機會都想買返部!

 

仲有吸塵機, 熨斗等

登登登, 終於入到核心處, 就係佢地既廚房

一入去就俾佢呢個落地玻璃廚房吸引住

仲有就係大大小小, 不同款式既抽油煙機, 蒸焗爐等吸引

 

著燈個塊野都係抽油煙機黎, 唔用時就會摺返埋牆, 好慳位又有型

今次既主角就係佢 --- Puresteam DG1450獨立式蒸爐



話明今次專請有小朋友既blogger, 大家都知為人父母最緊張當然係小朋友既健康, 所以大會都請左註冊營養師 - 陳國賓先生(Leslie)黎同我地分享下煮食心得

而當晚既晚餐都係Leslie負責設計及用Miele Puresteam 黎烹調



首先有松露油鮮蒸時蔬, 唔好睇佢得兩條菜, 當晚臨走時都仲聞到濃濃既松露油味, 好香!
 
我本身鐘意食炒菜多啲, 反而少蒸菜, 但如果用呢個蒸爐黎蒸啲蔬菜蓉俾BB食就十分方便, 因為佢地內置計時預設烹調, 又會自動關機, 唔洗怕煮過弄無晒營養。 而且Miele都例明有數據顯示到用100%蒸氣整出黎既食物可保留既食物維他命, 營養價值及水份比起一般用鑊蒸既效果高

呢樣我都相信, 因為有時自己用獲蒸都發覺有啲蒸氣會係獲邊滲出黎, 又有倒汗水, 明明蒸八分鐘攪掂既野, 又要蒸多三分鐘先確保熟透, 蒸過火又唔好食

 
湯--- 原隻燉椰皇海鮮湯, 有少少似冬陰功味, 好清, 我仲食埋啲椰肉

從來無試過咁做蒸湯, 燉湯就試過, 不過個燉盅每次最多燉兩碗, 燉親都要至少兩三個鐘, 好嘥電同時間, 所以係屋企都唔會咁做! 但睇返大會提供既食譜, 佢地用呢部機只需30MINS就完成, 個爐可以放三層食物, 燉夠一打都夠位啊!

 

 
講開燉湯, 飲完個湯就到我地自己blogger襯身試下個爐, 大會安排左木瓜燉燕窩俾我地試, 饀料由我地自由發揮配搭

之前坐月期間, 我晚晚都食木瓜燉鮮奶, 木瓜燉燕窩, 杏汁燕窩等(for 谷奶)... 次次都見倍月下午就開始燉, 一燉又兩三個鐘
但今次呢個燉木瓜蒸20MINS就攪掂, 真係快靚正!

Leslie又教我地選擇合適既食材俾小朋友食, 製作蔬菜蓉, 例如南瓜, 蕃薯等切細粒十分鐘即可

整完木瓜, 我地又繼續享用晚餐,呢個爐係特大75CM長(如我無記錯), 我地當晚既三文魚扒就係晒入面

 

好少食蒸三文魚扒, 平時多數煎或焗, 原來用Miele蒸爐只需6-8MINS, 即可! 全場個個都大讚呢條三文魚扒

Leslie仲教我地可以先用牛奶浸泡三文魚扒30分鐘除去腥味, 出黎既效果更香滑

最後一道菜 -- 特色手撕雞配石漿飯, 呢個飯都好好味, 尤其佢旁邊啲汁啊 (碟邊個啲啊, 哈..)

另一個selling point, 個蒸爐可以煲(蒸)埋飯, 對於我黎講又係好有用, 因為一直以來屋企都係用迷你飯煲, 2-3人份量, 以前無諗過請工人, 老豆佢地又會黎食飯, 偶然大少個邊五個兄弟姊妹加另一伴都黎食飯時, 我就要煲三次飯! 無啦啦換個大飯煲又好阻定, 因為唔係日日都咁多人, 如果有左呢個蒸爐煮飯就方便好多, 蒸雞飯又得, 蒸蝦飯又得, 蒸臘味飯都得, 得左!

我地之前整既木瓜燉燕窩成為當晚完味既句號~

噢, 仲未仲未, 仲有我至愛既咖啡, 用Miele既咖啡機沖既咖啡, 唔洗講都知好飲

 

 

 

 
母親節做主題, 臨走時仲有花收, 不過唔係玫瑰, 係媽媽節既康乃馨! 嗚...... 提醒左我已經唔再係少婦了!!!!!

總結去完呢個event, 我初初覺得一個蒸爐成萬蚊個真係有點兒'那利', 但係聽完講解及示範後又有另一種感覺 -----> 屎火, 我中左毒添!

事關做左阿媽後, 其實時間對我黎講真係好似永遠都唔夠用, 雖然我無好似以前係杜拜咁日日post煮食相, 但唔代表唔洗做! 日日要諗煮兩餐飯已經係好煩, 仲要諗啲啱承熹食就難上加難

又要有營養, 又要簡單方便, 又要啱大家一齊食, 真係少啲心思都唔得! 都未計話遲啲仲有個阿妹要照顧, 預備粥仔, 爛飯等...

- 呢個蒸爐初初最吸引我之處就係知道佢係100%純蒸氣, 蒸野快靚正(加上又食過佢做出黎既食物真係唔錯), 第二就係唔洗成日都炒晒其他餸, 最後要等蒸魚, 蒸得黎其他餸又凍左. 相反, 如果蒸魚先仲衰, 條魚凍左不特止仲會un埋, 有時一餐裡又有魚又有肉餅要蒸, 真係等到頸都長都未食得

- 同埋佢另一優點係雖然佢係蒸爐, 但個機身外殼唔會熱, 唔怕唔小心掂到會辣到手, 仲有就係佢無蒸氣/熱氣噴出黎, 好多時係屋企蒸野, 成個廚房都熱晒, 真係好似連自己都蒸埋一份咁

- 因為佢內裡有三層設計, 可以一次過蒸三樣唔同食物, 而佢地標明有多層蒸盤層架及特殊換氣設計, 就算煮三樣唔同食物, 啲味道都唔會混埋一齊!  (呢樣野我又唔擔心, 我平時用獲蒸都唔會將隻獲洗得好乾淨先蒸, 炒完野係咁二沖一沖就蒸 (趕時間麻)!! 但我一諗起過年用黎蒸蘿蔔糕先開心, 一次過可以蒸好多底, 又唔洗睇火, 諗起都想即刻買返黎

- 另外佢地既爐溫係由40度-100度, 40度係方便解凍食物, 唔洗再受微波爐氣, 解凍到變熟左!

- 60度可以做溫泉蛋, 80度可以做reheat食物, 唔會再叮到乾晒!  

- 我自己就諗到另一個用法, 當蒸氣較到40度後, 再打開爐門, 可以用餘溫黎做麵包既發酵作用

- 同埋佢地都有講到可以用黎作BB奶樽Steamer

唯一唔好處就係.................... 價錢貴! 哈~

不過可能角色唔同左, 睇既野又唔同, 以前萬幾蚊買個袋會好捨得, 但依家對我黎講, 呢啲野又唔係我最想要

反而為家人, 為小朋友既健康既野, 我會有興趣多啲!  所以我之前都買左部麵包機, 遲啲又同大家分享下

好彩大少都無反對我話想買呢部機, 只係講左句, 萬幾蚊一部蒸爐, 如果真係有用既話就唔算貴, 但買左返黎唔好用就呻笨啦! 你自己諗清楚啦~

我都想問下大家, 你地有冇人用緊或者對呢部機有冇咩意見可以分享下啊?