我的第三個母親節

母親節

母親節當日無乜特別節目, 下午同承熹返PG, 夜晚同99食母親節飯


妹妹好鐘意人地同佢講野, 一見到人就笑, 好攪笑!


希望妹妹同哥哥既性格相似, 都係樂天一族



無乜頭髮既妹妹出街常被人誤會係男仔, 唔知啲頭髮幾時先長啊?

 

 
三個月大既妹妹開始想轉身, 哥哥當年比較遲, 六個月大先識轉身, 估唔到阿妹咁快! 如果真係成功轉身, 我就要再睇緊啲, 費事轉左身有乜事唔知

哥哥又好肉緊

古惑承熹, 依家識得古靈精怪, 扮鬼臉, 老師教唱歌跳舞既動作, 佢成日都唔跟, 跟住自己'自創'一啲騎尼舞姿, 激死!

星期日PG教承熹做既母親節頸鏈, 仲有一句: 媽媽, 我愛你! (冧屎了)

媽媽錫晒你!

係門口等承熹放學, 諗住佢一出黎見到我會攬實我, 點知原來承熹一出黎係掛住錫妹妹, 完全skip左我!!!! 嗚... 不過佢錫阿妹都好既...

 
今年係承熹第一次送母親節禮物俾我. 左邊個份係另一間PG既母親節勞作, 兩份禮物都係我以後美好既回憶, 有錢都買唔到!