采霖百日宴

妹妹上星期六的百日宴完滿結束 (我自己覺得都OK完滿啦, 哈)

特別要再三多謝我一班好朋友 (承熹契媽伉儷, 契爺伉儷, Alan伉儷, Esther Cheung & Shing Him, Vanlily etc.), 因為今次個Backdrop我係自己訂左啲材料返黎, 要一手一腳自己砌, 初初都怕攪唔掂, 但我班朋友好勁, 唔洗一陣就攪掂, 雖然唔係咩華麗怖置, 但我都幾滿意, 好有氣氛啊!

另外我租左個波波池 + 滑梯, 訂左啲氫氣球送俾小朋友, 令到百日宴氣氛更濃厚, 好似遊樂場咁, 大人同小朋友都好開心! (希望大家真係感到開心)

個Backdrop啲波波連Banner係淘寶到訂返黎, 只需108RMB, 質素唔差, 有晒說明教點整, 好方便實惠! (有冇人有興趣想知到邊到訂, 如果有我先再post啲資料啦!)



其實仲有好多波波要痴上去, 但我地覺得咁樣都OK就唔攪咁多, 費事太花巧!



啲氫氣球係Party Party 訂, 大約@$30個, 送俾小朋友攞走

主角出場啦!!!!!!!!



承熹第一個玩波波池

波波池真係小朋友既至愛

 

妹妹, we love u sooo much!

承熹&采霖既靚靚契媽


妹妹醒左



帶左帽帽既采霖有少少似女仔



但一無帶帽就好似男仔...噢~

契媽&未來契爺(杰哥哥)

 
平時妹妹出晒名懶訓, 一日可以訓十九至二十個鐘, 但當日佢都好合作, 大部份時間都係醒主, 大無扭計, 真係好乖女!

反而哥哥當日無訓晏覺, 所以有啲木獨

妹妹好鐘意食手指, 兩兄妹都係咁, 唉~

影到咁上下, 妹妹終於頂唔順了! 影影下相訓左~

好多小朋友

好開心姨媽(大少奶)帶埋倩婷黎, 倩婷係一個好乖既小朋友, 有佢帶住承熹玩, 我就放心晒!

波波池除左小朋友鐘意, 連大人都愛! 當日真係有兩位大人忍唔住走左入去玩, 大家估下係邊個? (tips: 係網絡上都幾出名的, 哈!)



好多謝Vanlily為妹妹做既回禮曲奇, 今次係lady collection, 好靚啊!

敬酒時間, 承熹代妹妹同人敬酒, 搶晒風頭!

事隔兩年, 承熹由一舊飯變左依家識同人敬酒既小鬼, 哈~

 

 

臨尾走時又好多謝一班猛男幫我收返個波波池! 出外靠朋友, 好感恩我有一班好朋友~

好多謝當晚出席既親戚朋友, 好開心見到大家!!!!!!!