承熹新玩具

唔知我部電腦既問題定Yblog既問題, 有時候upload唔到相, 好麻煩~

我依家好眼訓, 但先post左啲相俾大家睇住部份先啦..... 全部都係用sony Nex-5N影架, 你地覺得效果如何?



呢張係一早起身同兩個小魔怪影既, 睡房拉左窗簾, 所以有啲暗, 但效果都唔錯!

好鐘意佢地啲腳趾粒粒, 漲卜卜, 好似魚蛋咁! 哈~

前兩日買左個玩具結他俾承熹玩, 因為呢個仔由細到大對音樂都好敏感, 好鐘意有節奏既野, 加上依家上緊音樂班, 更加發揮左佢既潛能, 所以我同大少都就佢興趣去買啲啱佢玩既玩具, 希望佢會enjoy~

一見到有支結他就超開心

你睇佢啲手勢似模似樣, 我地無教過佢, 佢係模仿電視歌星(又或者見到大少彈, 佢就有樣學樣), 之前無結他, 佢都已經成日做呢個扮彈結他既手勢, 俾佢笑死!

佢真係好投入, 哈!

大少話呢幾張相佢兩個好似'達明一派' 咁, 笑死!

妹妹應該都會係鐘意音樂既人, 不過可能無阿哥咁熱愛, 因為陀阿妹時無陀承熹時咁多時間聽歌同埋唱K , 所以可能會爭少少 (我覺得胎教真係好有影響架)

講返部相機, 我都幾鐘意佢既黑白mode, 佢既色係比一般黑白mode深色, 對比強啲, 感覺影出黎既相好有feel...

其實呢批相未分享完, 但唔知點解upload唔到, 所以只有以上少部份, 聽日再試下upload埋其他

分享一段承熹自彈自唱既片段, 妹妹係佢唯一既粉絲!  佢依家真係識講好多野, 好好笑!