家聚(7月份生日會)

啱啱過左個星期六發生左件大件事!!!!!

就係我掛住入廚房整野, 抱完妹妹放低佢落high chair時唔記得扣實條安全帶, 妹妹條腰開始有力, 一向前衝..........

360度前空翻就跌左落地.................

勁肉赤! 感恩佢無乜大礙, 今次又係一個教訓~


可憐既妹妹, 個頭起左個樓!

除左餓底每月有一次生日會外, 我地一班舊同事都有每月一聚既慣例

當日輪到去我地屋企開party, 我一早十點幾就親自落街市買餸, 連看更見到我拉住車仔都話: 嘩, 今日要你親自出馬! (哈.....)

自上年聖誕節後, 好似好耐無咁大班朋友上黎攪大食會, 今次仲要破天荒勁多人

大大細細加埋有27個人!!!!!!!  好壯觀 (壯觀在二十幾個人屈係一間咁細既屋到.. 哈!)

承熹一向對音樂都特別有興趣, 加上最近參加音樂班, 玩多左唔同樂器, 更加喜愛... 所以我買左一套簡單既樂器俾佢玩



其他小朋友黎到, 有啲鐘意玩煮飯仔, 有啲鐘意玩樂器, 有啲鐘意玩車車... 各有喜好

雖然主人家係我地, 但唔知點解承熹反而好唔自在咁, 好多時都自己同自己玩... 有時真係好想去讀下啲兒童心理學, 好想知道每個階段會有咩變化



好豐富既晚餐...  好多開大家俾面!

Evanna姐姐突然同承熹Friend左, 好攪笑!

準備吹爉燭, 承熹擺頭位

唔知以為佢生日, 哈!

好人齊....

係淘寶買左個相機搖控(係Sony Alpha系列專用), 只係10人仔, 好好用!!!! 唔洗下下去襟制, 有興趣可留言, 我share條link俾大家

介紹下呢個靚仔BB, 佢叫Mi仔, 同妹妹同年同月出世, 細妹妹兩星期... 好可愛啊!!!!!

為食承熹, 最愛食藍妹cheese cake

臨尾陸續離開時, 剩返幾個小男孩, 男仔玩埋一堆真係粗魯過女仔, 哈!