突發澳門遊@Day 2

澳門遊 - Day 2

第二日承熹訓到九點幾起身, 飲左枝奶食左個包我地就出發去官也街搵食


一早起身天氣好好, 原本一心諗住去呢個泳池遊水, 點知原來眼望呢個係Holiday Inn, 我地Conrad個泳池唔係咁的

朋友介紹'新好利', 話豬扒包, 葡撻, 炒野好味..

我覺得...... 豬扒包同個葡撻真係好味, 其他就.......麻麻



熱到傻左既承熹



熱到唔肯落車仔自己行... 幾識嘆!

@官也墟 , 呢棟building賣澳門特色念紀品, 設計都幾特別, 以熊貓為主


張sofa好靚


有個姐姐好好人送左張postcard俾承熹蓋印仔, 原本目無表情, 即刻生猛晒!


佢話要寄俾爸爸喎!







叫承熹同呢個肥叔叔影相, 佢死都唔制, 哈!




最後行個圈連手信都無相就走, 因為發現鉅記賣既野同香港價錢一樣, 費事攞!

返酒店去承熹最期待既地方 ------ 泳池呀呀呀呀呀~~~


初初有少少膽怯, 只係夠膽坐係池邊



過左一陣就開始大膽啦.... 想學人用浮板游出去


試下先.......


OK喎, 好似掌握得唔錯喎~


準備游去池中間啦...


游呀游! 上半身佢係靠浮板浮起, 下半身我用手托一托佢, 但承熹同我講: 唔好媽媽, 承熹自己!
跟住我話: 你要自己游, 咁你對腳要不停踢先唔會跌入水架!
然後承熹對腳就好似上左摩打咁, 不停踢踢踢... 真係得喎~


佢仲同我朋友玩潑水玩到超興奮, 好彩Kathy姨姨帶左部潛水相機, 如果用我部相機 真係唔洗要啦~

可能平日關係, 泳池唔多人, 玩得好舒服, 話晒五星級酒店, 設備都好齊全, 希望下次可以帶埋妹妹黎玩~

 

 

去完澳門, 我地再落珠海公公屋企坐左陣, 食埋晚飯就直接坐船返香港

 

 

好鐘意帶承熹周圍去, 有佢係到真係多好多歡樂, baby, I love u~