突發澳門遊@Day 1

好多日無見啦, 因為啱啱個星期一突然收到Daddy通知有兩晚澳門金沙城酒店房, 問我有冇朋友去

由於事發突然, 大少當然去唔到啦, 我即時問下啲'唔洗做'既朋友, 大家OK後, 第二日即刻出發~

返到黎香港後屋企個網絡又壞左, 上唔到兩日網, 尋日先攪掂.

快啲update返啲野先!



今次係承熹第一次去澳門, 我初初都驚佢會暈船浪, 所以買定麵包, 餅乾俾佢食, 用食去分佢心! 哈~

原來我都好耐無去澳門, 對上一次係上年二月大少生日時過去即日來回, 非常趕!

今次去又多左幾間新酒店, 真係好誇張! 究竟仲有幾多間仲未開幕?

承熹見到呢個踩高橋人就好驚, 驚到喊!

我地原本住金沙城Holiday Inn, 後來唔知點解又upgrade我地去Conrad, 可能平日去澳門無乜人

入到房間都幾靚幾大, 好鐘意佢既廁所, 有大浴缸, 可以同承熹一齊玩



有樽糖送 -- 上面有Conrad既英文字, 幾特別!

呢套沖涼用品都幾好用, 最得意係隻鴨仔

好彩得烏吱提我, 佢話餅神Vanlily之前住過話可以request小朋友用品, 真係好細心, 估唔到都幾多野

另外仲提供BB床, Steamer, Milk Warmer & 小童浴袍 

窗外景色

承熹笑得好牽強, 哈!

多謝Hellen介紹四季Buffet, 係Conrad行去對面四季超近

 

嗚詩 - $488 + 10%一位

好多款式, 影唔晒

呢套兒童餐具唔錯, 個底有啜盤, 唔易倒瀉

又係攞俾承熹食先

食得好開心

佢話啲長腳蟹umbrella, 哈哈!

迷你Tabasco, 好攪笑!

 

蕃茄湯, 承熹勁鐘意, 飲左大半碗

大部份小朋友都愛朱古力噴泉, 承熹又點會例外?

食到有粒'八婆墨'係咀邊, 哈哈


有人吼我影相時偷食

古惑仔


我食左五食龍蝦, 好多其他海鮮, 牛排 & 甜品, 熱葷無乜點食

四季既價錢比起其他酒店偏貴, 但我地一行四個大人都覺得好好食, 尤其呢龍蝦, 長腳蟹等, 真係好新鮮彈牙, 唔係只有海水咸味, 值回票價... 

另外佢地主力仲有Dry aged beef即叫即煎, 按個人口味俾你揀邊隻扒,醬, 配料等...

下次有機會再去要encore~


食完buffet, 朋友們去賭場玩兩手, 我同承熹返酒店沖涼, 準備訓覺~

因為佢地個浴缸都幾大, 我同承熹一齊玩左陣, 個傻豬玩得好開心~

但尷尬位出現左: 承熹同我一齊沖涼時問我: 媽媽, 點解你無啫啫既? 你條啫啫係邊到呀? 我有啫啫喎!

我有點不知所措咁答: 係呀係呀, 媽媽係女仔, 所以無架!

好彩佢無再追問落去, 否則再黎多十個點解無? 點解有? 點解呢樣, 點解個樣? 我就會啞左!!!!!

酒店提供埋BB床, 初時諗住承熹都唔會訓, 點知真係'隔離飯香', 佢自己話要訓BB床

佢仲好乖咁一邊食手指, 一邊睇書, 訓左~!

 

酒店仲有提供烚奶樽器, 果真細心! (但求方便, 我只帶左一個奶樽, 諗住飲完用水洗下就算, 依家有呢個Steamer, 好好多呢!)


太多相了, 所以分兩次post, 明天有承熹的泳照...待續!!!