餓底7月份聚會

上星期六係餓底七月份聚會, 今次大人唔齊腳, 但BB齊晒人啊!!!!

我地好期待阿茄既茄汁豆出世, 到時又多個靚仔啦~

因為有小朋友, 始終都係o係屋企聚會會方便啲, 適合小朋友通屋玩

B媽同甜甜係七月之星, 我地選擇左去B媽屋企, 打攪晒啊!!!!


B媽屋企夠晒大, 小朋友除左可以通屋走外, 仲有好多玩具玩呢~

就係呢座煮飯仔, 我見到都興奮, 何況啲小朋友! 細陳生同餅餅已經急不及待.... 哈~

新屎坑! 承熹未見過呢款potty, 所以對佢好有興趣

點解去便便都咁好有野玩既

大家年紀相差唔算好大, 一齊玩好開心

B媽實在太體貼, 知道我地一拖二'能', 所以唔洗我地預備食物! 相反佢大住個肚仲準備俾我地食啊~

有肉燥麵, 雞翼, 豬頸肉, 仲有芒果雪糕! 簡簡單單, 但全部都係homemade既, 多謝晒B媽B爸熱情既招待

另外仲有甜甜焗既戚風蛋糕, 真係一陣風咁.... 呼一聲俾啲細路KO晒!

細陳生應該好有烹任天份, 由頭到尾都無離開過呢座廚房呀~

傻豬餅餅..

多謝B媽送俾妹妹既headband, 帶左即時女仔左!

承熹唔知做乜冤口冤面咁, 反而妹妹仲笑得開心過佢

可惜細陳生訓著左, 又唔齊腳!

餅餅好似親善大使, 好活躍...哈

唔通女仔真係鐘意同女仔玩返? 承熹好八掛, 好似想埋堆又唔好意思

Jadie大個左好多, 識講好多野

妹妹唔鐘意坐地下, 一坐就扁咀

我同哥哥一樣反手食手指架!

佢兩個企得好攪笑

妹妹, 你出年就識得同哥哥姐姐一齊玩架啦~

Jadie對於iphone自拍功能好有興趣, 哈

玩完成個下午突然風雲色變, 大風大雨, 但走既時候竟然見到彩虹, 好開心!