突如期來的約會

七月十號個日下午, 我一個人好悠然自得咁坐係銅鑼灣Starbuck 一邊上網, 一邊嘆咖啡~~ 突然有一個人坐左係我隔離, 眼尾感覺到佢好近咁望住我, 心感不妙就抬頭望一望...

咦,, 原來係YY Cake 同佢老公啊!!! 我今次係第二次係街到撞到YY Cake,, 我同你真係好有緣呢..  但最估唔到, 我坐得咁隱蔽都俾你老公見到,, 你老公好勁呢! 

原來當日係佢地既拍拖紀念日, 一問之下, 今年係佢地17週年呢 ------  17年, 對我黎講係一個諗都無諗過既時期... 同一個人相處17年.. 除左我老豆, 我唔知有冇其他人會頂得我順? 唔知17年後既我同大少, 會唔會好似佢地一樣咁恩愛, 大少會否特登請假同我出外拍下拖呢?

同大少分開呢段日子裡... 我更加體會到聖經入面所講既"愛的真諦"

愛是恆久忍耐，又有恩慈；愛是不嫉妒；
愛是不自誇不張狂，不做害羞的事，
不求自己的益處，不輕易發怒，
不計算人家的惡，不喜歡不義只喜歡真理；
凡事包容，凡事相信，凡事盼望，
凡事忍耐凡事忍耐，愛是永不止息。

我會好好記住如何去愛我愛既人!

見到YY Cake 後, 好唔好意思阻住佢地兩個拍拖咁同佢地一齊去Haagen Dazs食High Tea.... (唔關我事啊,, YY Cake好誠意咁叫我一齊去架..heee)

High Tea Set weekday $150 for 2, weekend $180 for 2... 其實份量都好多, 可以三個人食都得!

我既凍檸茶, Y伉儷既凍朱古力

我地雪糕揀左雜莓, 熱情果, 哈蜜瓜 & 牛奶焦糖.... 我覺得新出既熱情果&哈蜜瓜好好味!!!

蝴蝶酥餅, 好好味!

咸點一般

呢兩杯甜品俾左Y伉儷享用, 慶祝佢地十七週年啊!

全部生果都好酸啊!! 唔知係咪特登咁酸balance返雪糕既甜?!

哈... YY Cake老公影得好靚啊,, 有埋個High Tea架!

希望你地快快再生多個baby,,倍下子曦玩, 等你地個family又增添多一份笑聲啦!