moved + Dinner@新高麗苑

哈... 我好開心啊!!! 因為我已經係新屋訓緊啦,,, 雖然間屋仲未100%攪掂, 仲有手尾要執,, 同埋間屋都幾亂,, 有排執啊!  但係我咁大個女第一次同daddy有自己既屋企, 唔洗再好似租客咁只可以係間套房到活動.... 我真係好開心啊!!!!!!!!

呢兩日沖涼, 睇電視, 整野食都好自在, 可以係廳到自由活動~~~~~ yeah!

自搬屋後都好耐無搵朋友出去食飯,,,前日去灣仔駱克道新高麗苑食韓烤, 好耐無食韓烤, 好好味啊!

自助餐形式, 一位大約$140! 但只可享用2小時~

好多好多款既前菜...仲有壽司, 湯, 飯, 麵等.... 係漢陽苑既升級版! 我鐘意食呢d前菜多過食烤肉啊~

仲有好多款食到一半都無影到, 基本上大部份食物都滿意既... 尤其檸檬啫喱...超讚! 我地一枱五人食左十幾杯..haaaaa (但其餘糖水好似話麻麻地)

韓式泡菜辣湯.... 好好味!

仲有好甜好好味既西瓜... 我食左半個有多啊!

希望黎緊可以真係執晒屋企所有野...尤其我堆寶貝(迷你擺設),, 逐件逐件放入飾櫃都幾攞命! 我要加油啊~~