我的寶貝采霖

 

妹妹... 仲有幾日就五個月大啦!

妹妹係一個好乖既女女, 佢好少喊, 又唔洗要人暗訓覺, 只要食飽同佢玩一陣, 佢就可以自己安然入睡

不過妹妹偶然都會發牢騷投訴我地

例如我地全部人走開晒, 無人理佢, 佢就會大叫大喊

又或者當佢好眼訓, 但我地嘈住佢, 攪到佢訓唔到, 佢都會發脾四

不過總括黎講妹妹都係一個可人兒!

好鐘意同妹妹既自拍照, 妹妹好Sweet



其實我諗大部份有兩個小朋友既媽咪都有此同感, 生左第二個後, 對阿二一定係無第一個咁緊張

雖然話生左妹妹, 但除左頭一兩個月會有少少忽略第一個外, 其餘大部份時間仍然係會同大仔/女相處多啲

反而做妹妹/弟弟既, 可能每日先得到媽媽一小段時間同佢地玩

原因係第一個已經識行識走有反應, 有要求, 所以好自然我地既attention都係去左大仔/女到

好多人問我地有冇偏心錫哥哥定妹妹??

我地覺得無囉, 因為兩個都係自己既寶貝! 但講到時間分配, 又好似有少少對妹妹係不公平

希望妹妹再大啲時, 可以同埋哥哥一齊玩, 咁我講故事, 食茶點, 去公園等等等都可以一齊做..


請問第二任媽媽有冇咩湊仔/女心得分享下, 點樣先唔會有偏心既事發生, 又有咩要需要注意呢?

我係6月22日開始停左無餵人奶啦, 其實都有少少失落,

兩胎都唔成功做全人奶媽媽, 一次衰食損奶頭 + 人奶知識唔夠下, Miss 左頭段黃金上奶週, 攪到追到氣咳都追唔到, 堅持到五個月就停

今胎又係衰食損奶頭, 另外就衰妹妹太爛訓, 一埋身就訓, 原來含住無啜又係上唔到奶, 我又一次乃野 (成日抱住佢啜半個鐘至九個字, 以為佢有啜, 原來個隻唔算)

呢啲日子真係一世都唔會忘記, 雖然辛苦, 但佢地係我好珍貴既片段

如果, 如果, 如果,, 再有一次機會俾我生多件, 我一定一定會再試, 就算幾辛苦都會試!



采霖, 媽媽未能夠俾最好既你, 但希望你都能夠健健康康咁成長! I love U~

阿戊整餅

<28M>

今日係承熹最後一次返幼樂坊, 過埋呢個暑假就正式返N班啦!

我又要講多次, 我真係好唔捨得承熹要返學啊! 嗚~~~~~

一眨下, 大個仔啦, 要返學啦, 唉....

我好衰咁覺得, 一上左幼稚園既小朋友, 就會開始駁咀駁舌, 會有藝術家脾氣, 會要面子

總之, 就唔係依家呢個天真無邪既感覺!!!! (我好失落)

講返正題先,

幼樂坊係有家長倍伴的(playgroup形式), 而且都返左一段時間, 所以對家長們及每位小朋友都特別有感情, 真係好唔捨得佢地.....

但天下無不散之廷席, 希望將來有機會再撞返啦!

尋日特登同承熹一齊整左啲造型曲奇送俾同學仔

又係跟Vanliy既食譜, 讚!

個麵團當然係我做架啦, 因為承熹仲細, 唔洗篩粉, 費事佢攪到一獲粥, 都係我自己整左先!


過左大約一小時急凍, 可以印模啦!

承熹真係'好似' 小師父咁, 扮得似模似樣啊! 哈哈


依家咁純真既樣 我好愛啊!!!!!


之後媽媽教佢印模

佢都學得幾足, 識得用另一隻手襟住落去

加埋個樣模

好好玩呀!!!!

完成第一盆

Yeah, 好有滿足感!!!!




趣事一則:

話說我入廚房睇下啲曲奇有冇焗燶既時候, 承熹走黎同我講

承熹: 係咪食得曲奇啦?
我: 係呀, 等一陣焗完就食得
承熹: 哦(走左去廳)
過左五秒到...
承熹: 啲曲奇好好食呀!
我行出廳望下, 見到承熹揸住一塊未焗既米奇麵團係到食, 仲要已經吞左兩隻耳仔~ OMG!!!

出爐了!!!!!!

好可愛既造型曲奇!!! 因為要壓圖案, 所以比起一般牛油曲奇會較硬身, 但就少左一份油膩既感覺, 我老豆係咁偷食


承熹都好鐘意食, 不過我同佢講, 啲曲奇係送俾同學仔, 要sharing,, 所以佢都好乖只係食左兩塊就無再話要食!

今日送俾同學仔, 佢地都好鐘意! 見到小朋友好天真咁笑得好開心, 我都覺得好開心

承熹的雀巢金裝能恩廣告

承熹人生第一個廣告今日出街啦!

我做阿媽既都唔知, 多得身邊朋友通知, 哈哈~

其實都拍左接近兩個月, 原本由好期待變得有點遺忘

今日下午捕住個電視, 終於係六七點既時候睇到啦...

短短三十秒既廣告, 其實拍左兩日, 由朝到黃昏, 都幾攰~

但好彩既係, 承熹係一個為食仔, 一有野食引下佢, 乜都肯跟住做

所以大家都大讚佢好乖,好專業, 哈哈 (佢個兩日食既零食係等於半年來既quota)

anyway, 我好多謝朋友L通知我有個咁既casting機會, 更多謝廣告商既垂青

俾左一個好好既回憶我地

當日既花絮:


廣告中媽媽, 係日本人, 我見到佢都有好多廣告, 最近大金冷氣, Oneday acuvue etc


休息中...



現場並無真實道具, 全部都係假發布膠

拍攝場地係一間獨立屋, 樓高三層, 有花園泳池, 好大好靚.... 但因為有太多工作人員及器材, 所以打開晒啲門, 無乜冷氣, 加上大大枝射燈射住, 熱到承熹成頭汗要時不時吹返乾個頭!


除左有大量零食, 仲有專人倍承熹玩, 逗佢笑, 呢位哥哥好有愛心

YEAH~

 

 

 

 

端午節快樂

早晨

依家係零晨四點, 我好想寫埋呢篇端午節快樂先去訓

由於每日都要照顧佢地, 等到佢地訓晒後自己都好攰, 啲POST成日都唔能夠日日新鮮即時update,

但話晒端午節一年得一日, 唔想隔得太耐先寫, 所以幾眼訓都想完成佢!

呢張相係妹妹九點半起身時同佢影架, 妹妹真係好抵打, 每朝起身都含情脈脈咁對住我笑, 攪到媽媽好肉緊!!!


唔想浪費一日假期, 起身後快手快腳就同兩隻小魔怪換衫, 繼而再執執自己

有左第一胎既經驗, 第二胎我會控制自己唔好買咁多衫俾BB, 所以好多謝各方好友既慷慨捐贈, 妹妹有好多靚衫著

但有好多跟本都未著過已經唔啱!

一來有時撞正啲衫既size夾唔到當時季節; 二來妹妹大得好快, 著兩三個禮拜已經唔啱(但兩三個禮拜可能著得兩三次, 因為太多衫輪住著); 三來妹妹仲細, 我好少帶佢周圍去, 係屋企又唔會特登著到好靚, 但求舒服!

基於以上原因, 我一早已將啲衫分晒時段, 每袋都寫清楚幾大Size. 

係妹妹三個月大時, 已經攞定批6-12M既衫出黎去洗

但我最近又發現, 當我再睇一次6-12M既衫, 其實有一部份已經變得太細, 又唔啱著!!!!!!

好似今日, 佢換左三套衫, 第三套先唔緊! 上面個張係第二套, 佢個心口啲鈕係扣既時候已經有啲迫,

到左著好坐係到時直程迫爆衫!!!!! (最後又要換)

嬌俏連環圖!!! 帶左頂帽既妹妹有冇多少似返女仔? 

特別推介: 孭帶一條!!!! 呢條孭帶好好用, 好用在孭得好穩, 慳到好多力, 方便使用, 同埋夠輕便, 就算承熹依家28磅, 有時係街訓著左我都用呢條孭帶孭住佢, 慳返好多力水啊!

我係淘寶買, 好抵玩. 有興趣可以PM share the link!

妹妹最乖, 係我地食野既時候多數都會訓覺, 或者乖乖望住我地食飯

承熹依家影相成日都唔肯笑, 又唔肯望鏡頭, 激死!

被媽媽強吻!!!!!

今日去北角AGE食lunch, 質素一般啦~

香煎三文魚意大利飯 (舊三文魚超咸, 大少話似咸魚!)

Beef Burger, OK啦~ 但我覺得另一間分店係太古船嗚里既AGE, 做快餐形式, 佢地既餐同呢到類似, 但要自己排隊落order, 然後有侍應後上

佢地啲餐抵食啲, 同埋Chicken Burger 好味過Beef

咖啡就唔錯

呢排收到好多朋友既what's app通知好多地方有員工優惠, bossini, 佐記, addidas, etc....

所以我地一家趁熱鬧都去德福廣場血拼一番, 發現除左以上幾間, 根本成個商場店鋪大部份都大減價

好開心一家大細都有收獲, yeah yeah yeah~~


以下圖片睇下妹妹, 原來佢個樣都可以好古惑!!!!! 哈~

手瓜起展, 幾勁!!! 哈哈~

承熹&amp;采霖 (June)

傻豬妹妹又同大家見面

我覺得妹妹既生長反應無哥哥咁早熟

承熹以前好細個已經識揸住啲牙膠黎講, 或者對於一啲玩具都會好有反應

妹妹剛好相反, 懵下懵下咁, 哈!


多謝茄姨姨送既香蕉牙膠

妹妹仲未好識揸實啲野放入口, 每次好快就會鬆手, 繼而跌左. 所以佢都係覺得食自己隻手指多方便啲

傻豬妹咬咬下訓著左



承熹之前一直返開CPDA既playgroup, 我覺得呢間playgroup唔錯, 導師有愛心, 承熹每次返都好開心

不過返埋今個月就停啦, 因為七八月參加左另一個音樂班, 承熹好鐘意音樂跳舞, 俾佢試下搵唔搵到佢想學既樂器

八月尾開始除左返幼兒園(N班)外, 仲會參加教會既Awana, 類似童軍制既形式, 但當中包含聖經既教導! (好期待~)

妹妹依家無之前訓咁多, 仲開始識得投訴! 例如佢係highchair, 但我地走開左去食飯或唔係佢視線範圍, 佢就會大叫, 叫你返黎倍佢傾計, 或者要你推埋去食飯枱, 等佢可以望到我地

依家最好玩係, 當你一同佢有眼神接觸, 佢就會笑! 尤其朝早起身, 佢係床仔望住我, 就會即刻笑得好開心... 冧死媽媽~

再一次溫馨提示: 懷孕期間, 不妨多吃乳酪, 可以令到BB骨骼強壯啲! 我陀住哥哥同阿妹時都有食, 一星期隔日或日日食, 所以哥哥同妹妹兩個月已經好硬淨, 擺百日宴個個親戚朋友都話佢地唔似得三個月, 條頸仔已經好夠力!

P.S. 我係一個唔戒口既孕婦, 在我立場只要乾淨既野我乜都有食, 但當然唔係狂食啦! e.g. 咖啡, 沙律, 魚生, 甚至生蠔 (呢個我都知有啲過份)

除左因為我為食外, 我覺得有時太過戒口反而唔好, 因為註冊營養師分享過, BB係唔識分好味同唔好味, 佢地只係會分個隻味道係熟悉定唔熟悉

所以, 好多時偏食既BB係因為媽媽本身偏食, 有好多食物佢地係無試過既(佢地經胎水係懂得分辨到食物既味道), 所以當佢地可以食固體食物時就會識得選擇

相反, 經常接觸唔同種類食物既BB, 會較願意多常試唔同種類既食物!

我唔可以100%肯定呢位營養師講既係啱, 不過以我經驗, 承熹確係大部份食物都肯食, 而且唔會話唔鐘意食,

而妹妹, 我雖然未知, 但好感恩, 係我無戒口情況底下, 佢兩個啲皮膚狀況都係好好, 無話敏感或出疹 (因為我亦都聽話有人話媽媽戒得越清, BB既抵抗力會越弱, 因為無乜接觸過)

不過, 呢啲都係只作參考, 個個人唔同體質, 好難講!
 
其實講咁多我都想帶出, 做媽媽緊張自己小朋友係理解的, 不過有時放鬆啲去面對, 唔好俾太大壓力自己, 偶然放肆一下令自己開心都唔係壞事..
 

我覺得胎教都好有用, 我陀住佢地時都不停叫佢地要乖乖地, 要肯食奶, 自己訓, 唔好成日喊, so far都OK

但千算萬算, 算漏左唔記得叫佢地唔好食手指!!!!!