開學了

上星期二21/8承熹開始返幼兒班啦~

頭一個星期係適應班,只係返45mins, 有家長倍, 之後兩日就無家長倍

到左今個星期, 加至1.5小時, 後幾日加延長至2.5小時

到下星期就會正式返三小時

第一日著校服孭書包返學, 感覺有啲緊張, 加上我唔俾佢帶佢把'命根傘' (自從買左把傘俾佢後, 佢晴天雨天都要帶傘出街, 唔俾佢帶就喊死!)


排隊等入校園時個樣好明顯有啲緊張



好感恩係承熹返學前戒左食手指呢個壞習慣~

初初仲怕佢唔知會食到幾多歲先戒得甩, 又怕佢返左學無人成日睇住佢, 好容易因為食手指而感染病菌

但神所賜既往往係比我預期的更多...

就係因為上幾個星期胃腸炎, 又嘔又疴, 食藥打針令到承熹真係知道食手指既祸害甚大, 

就係咁, 佢唔洗我又打又殺就戒左食手指, 有時見佢心癮想食, 但知唔食得, 頂多放隻手係咀邊摸下摸下! (我已經覺得佢好叻啦~)


原本都有少少緊張, 但見到一啲新奇既事物, 又即時開心晒~


第一日返學, 輕輕鬆鬆鄧梓峰

Day 2

第二日已經無前一日咁緊張, 加埋俾佢攞返佢把'命根傘', 成個人精靈晒~


一攞住把傘幾招積


又放學了!


承熹呢個阿婆擔傘造型, 全校得佢一個, 個個老師, 清潔姐姐都認得佢, 一係室外就開傘, 驚死曬親咁!

Day 3

好開心聽到承熹話好鐘意返學


Day 4


運動look! 

無錯, 基本上除左第一日返學我堅決唔俾佢帶傘後, 佢夜晚挨左我成晚, 叫我第二日俾佢帶傘!!!!

我就心軟了...既然一把傘可以令佢成個人開心, 等同佢既buddy, 我無理由咁殘忍唔俾攞, 所以之後每一日佢都有攞住佢把'命根傘'返學



回顧返呢兩星期, 好感恩承熹獨自返學都算OK, 無喊過, 我倍佢返個兩日都睇得出佢好快可以投入而且享受

反而我坐係後面見到自己個仔原來真係可以咁獨立去上學, 我好大感觸!!!!  承熹真係大個仔了, 以前BB既片段一一湧上心頭, 攪到我都忍唔住眼濕濕~

 

蒜蓉粉絲蒸魷魚

上星期去飲茶時勁想食蒜蓉粉絲蒸魷魚, 但好失望地原來依家唔係間間酒樓都有呢款食物

尋日心血來潮, 自己落手落腳整, 我仲將前一日打便爐食剩既生菜&芫茜加埋落去一齊蒸,

效果..........................出奇地夾!



先將魷魚用豉沖, 糖, 紹興酒醃一小時
用凍水浸淋粉絲兩扎
生菜 (極力推介一定要加)

調味料:  水(大約浸到粉絲便可), 雞粉/史雲生雞汁, 白胡椒, 魚露 (按照個人濃淡口味而落)
做法:
先將生菜放底(如愛芫茜, 加埋落去一齊蒸食落更香)
再放已浸淋粉絲, 鋪上魷魚, 倒入調味料
最後加大量蒜蓉加椒絲
我用Miele蒸爐蒸3-4mins即可

出黎既味道好香, 同酒樓一樣, 同埋啲生菜'索'晒啲汁, 好好食!!!!!!!! 

又係一餐好方便既晚餐, 炆牛肋條(下午炆定), 蒜蓉蒸粉絲(4mins), 西芹炒肉碎(同蒸魷魚時同步炒)

前後10mins就唔洗就可以埋枱食飯, 攪掂!

八月餓底聚@AVA Restaurant Slash Bar

呢排承熹開始返N班, 過去一星期同埋今個星期都要家長接送返學, 時間由短至長慢慢增加, 方便佢地適應!

所以最近十分困身, 日日最精華個幾小時都俾左佢, 送完返學又要係街到呆等... 如果日日咁接送都幾攞命!!!



先講返餓底八月

 

份生日會, 今次好開心Fei E出席到, 自從佢攪左自己生意  Fei e Secret Beauty, 一直都忙於打理生意, 無時間出席我地既聚會, 今次難得可以一齊出席, 真係好開心!

今次B媽介紹左呢間AVA Restaurant Slash Bar
佢地個Lunch係Semi Buffet形式, 依家做緊$368 for 2, 另外再送Seafood Platter, 認真超值!
 


承熹初時去到好鬼Cool唔肯落BB車, 但一見到我攞左啲蕃茄仔返黎食, 雙眼即時發亮, 乖乖地落車仔坐定定開餐

呢碟Seafood Platter都唔錯, 長腳蟹好味!

六選一既主菜, 我地有10個, 可以試勻晒咁多款


由於我地今次Book左VIP房, 所以各位小朋友都可以放心係房到周圍走, 唔怕嘈住人或撞到, 認真啱晒我地有小朋友既家庭聚會

大家都食到七七八八時, 承熹依然好勤力咁食食食, 我都服左佢!

另外仲有B 媽推介我地值得一看既tableside Ice-cream

想睇下有幾特別, 不妨Click去睇睇... 越後越有驚喜呢!


又靚又好食既雪糕, 只需要加$128就可以觀賞

 

 

不過大家最期待既仍然係甜甜既蛋糕.... 超靚呀!

好欣賞甜甜既心機, 呢個彩虹蛋糕除左味道好食之外, 最感動就係睇得出甜甜既心意~

承熹見到蛋糕本應好興奮, 但唔知點解越大越怕醜, 成日都掩飾內心既開心, 係咪個個細路仔大大下就會咁? 定係佢有問題?

多得前麥當當姐姐阿Tan引佢笑, 佢終於忍唔住啦~

個蛋糕真係好靚, 小朋友見到尤其開心

妹妹幾時先識得一齊玩一齊食呢?

呢間餐廳既景色無得頂, 位置又方便, 值得推介

以下就係啲小朋友既相...

從相入面都睇得出, 女仔比起男仔似乎較熱情, 哈!  等甜甜既小陳生再大個啲, 承熹就會多個男仔伴啦~

以下資料Copy from B媽
AVA 午餐資料:
址地: 尖沙咀麗景酒店 (Hotel Panorama), 38/F
頭盤、甜品係自助
另加每人一客o既海鮮冷盤
六選一o既主菜
再加咖啡或茶
我當初o黎試菜時係要三百幾蚊一位架 (o個時個主菜係任點任吃)
而家價格調低左，二百幾蚊一位 (但主菜變成每人一份)
但查實每人一客主菜都好夠食了
價格調低左，真係吸引好多！

上面提到，呢期仲做緊二人同行優惠，兩個人都係 $368 添咋 ！
星期一至五o既話更只係 $308，真係好抵呢！

采霖妹妹(6m)

妹妹係8月11日正式第一次靠自己反到身啦!!!!

佢既進度同哥哥一樣, 哥哥當年都係六個月自己反到身, 不過哥哥要我攞啲野去氹佢先肯反

而妹妹就自己反, 好叻叻!!!

當我一讚妹妹反到身, 妹妹就笑到好開心, 好似真係知道我讚佢咁!




唔知點解一講同做RockNRoll Never Dier 呢個手勢, 妹妹就笑到卡卡聲

Rock 妹~

 

傻豬妹妹~