賭賭賭

大少今次返黎好似一陣風咁又走左... 加上佢好多時都要留係屋企上網做野, 變相令大家見面既時間又少左  今日送佢機既時候, 好唔捨得啊!!!!!!!!!!!!

我會記住呢幾日同大少開心相處既時間!!

今次撞啱端午節返黎, 星期一公眾假期唔洗返學既我, 係星期日突發咁同大少走左去澳門玩兩日。天公造美,, 前一日仲係黑雨,, 但好好彩既係星期日&一都無再落雨,, 感恩感恩~

一落船, 時間剛好下午五點幾,,, book唔到靚靚酒店住, 唯有去金沙食返個Buffet先!!! 上次去澳門已經係上年既新年,, 記得當時撞啱永利, 星際, 新葡京等開幕,, 多人多到真係有d恐怖... 今次再去,, 少左好多人,, 感覺舒服好多~

食完個Buffet, 循例都會係金沙放低少少錢先走得! sigh~

去酒店check-in後, 睇埋掌門人 + 好友移城再出發去威尼斯人(掌門人 + 好友移城都係我返左香港咁耐第一次睇,, 都幾好笑喎!)

一直都聽人話威尼斯人有幾咁靚, 幾咁值得去.... 真係好期待,, 好想去住一晚啊!!!!!!

一入去既感覺 好似去左羅浮宮睇畫咁!(當然, 佢地d畫既質素差好多)

 

 

 

夜晚去既唯一好處可能就係影相無人阻住你,, 但另一個問題就係覺得好冷冰冰, 無晒氣氛!

循例... 係威尼斯人又放低幾千先肯走!  雖然輸錢,, 但大少玩得好開心... 可能係佢個邊實在太悶~

******************************************************************************

第二日訓到十一點幾先起身,, 第一件事搵飯食! 成日見bloggers 介紹什麼水蟹粥, 什麼蝦子麵, 什麼豬扒飽等... 好可惜我地乜都無試過,, 由於係零 planning下咁去澳門,, 真係唔知去邊到食啊?! 今次去澳門彷彿目的就係去參觀賭場, 連我話想去大三巴影相大少都唔制啊~

Lunch @ MGM...

每次想飲茶都無位,, 永利又係咁,,, MGM又係,, 迫住要去食粵菜....

大少見到後雙眼發光既陳皮X鴨湯飯,,, 我覺得味道一般!

好辣既XO醬炒海鮮烏冬....

MGM無威尼斯咁靚,,, 但都有少少驚喜 ----  佢既天幕...

最後我地既娛樂又係賭.... 玩到三點就坐船走lu!!! 返到HK仲要衰到走去港澳碼頭間澳門茶餐廳到食豬扒飽&乳鴿,, 係咪吹脹~

我仲特登攞部大機想去影相, 點知一張都無影到, 下次我都係要自己去先OK!