台灣美食真係出晒名, 100個人去台灣玩我估佔95人都係為左品嚐下佢地既美食...
我老豆係一個好忍得口既人(因為佢好錫身架), 但每當佢去到台灣, 佢都會忍唔住係咁食食食... 所以話台灣美食真係太吸引~~
九份名產 :
紅糟肉圓,,, 台灣人好鐘意人.. 但我本身就覺得麻麻地... 個皮太厚啦!
貢丸湯... 超讚!!!!!!! 我不嬲都超愛食貢丸... 好正呢!
九份又一出名既粉圓... 出名煙煙un un...係大熱天時食圓刨冰, 真係好爽!!!
實在太多美食... 串燒又野味,, 之前介紹既炒菇菇又係好好味... 如果一班朋友去就最好不過, 可以試多幾款麻!
我自己都幾鐘意食黑糖糕, 甜甜地有d似馬拉糕, 不過用黑糖沖既飲品朋友就話好難飲喎!
呢d 麻糬我都好鐘意食,,, 無日本個d草餅咁甜... 值得買黎試下!
****************************************************************************
以下呢間係睇書介紹既Cafe, 叫做Piece of Cake... 據稱專賣蛋卷 : 綠茶味, 檸檬味, 黑糖瑪奇朵味, 水果味, 巧克力&原味.. 每日限量唔知幾多條, 如果想買走, 要前一日訂購添啊!!!! 我地好想知道究竟佢有咩咁巴閉專賣一味都可以出名...所以去試下
個日去到, 只剩返咖啡, 檸檬&水果味... 好失望... 我好想食綠茶啊!
大家都覺得蛋糕好鬆軟, d Cream都好滑, 好味... 不過我覺得其實自己都做到... hee
冰卡布奇諾... 天氣太熱, 好少飲熱咖啡既我都要叫一杯凍飲!
****************************************************************************
西門町 :
落機個一日, 由台北車站行去酒店時, 途經呢間胡椒餅,, 大家都被佢既香味深深吸引住, 急不及待上酒店放低行李走去買黎食!!!!! 極力推介呢~
外脆內多汁,, 熱辣辣...超好吃的哦!!!!!
自個日起, 我地每日都會去買一個黎食, 臨走拖住喼走都要...食到個店員都認得我地, 同我地講BYE BYE 呢~~~ 哈!
唔洗多講, 太出名!!!
不過太熱天時要企係條街食住呢碗熱辣辣既麵線, 都幾大挑戰!
鴨扁肉... 一碟全雙既鴨扁肉(其實係用鵝整),, 原來都要港紙大約二百蚊, 一D都唔平...但我覺得唔係真係咁好味... d肉好un啊!!!
配一碗湯米粉或湯麵... 真係麻麻地好味!!!
食物太多... 要分兩三四次POST啊~
沒有留言:
張貼留言