懷舊篇

上星期特登山長水遠去九龍城德國寶睇廚櫃,, 對我地呢d港島人黎講, 去呢d地方感覺仲遠過入機場... 係猶疑唔知坐乜車去既時候, Daddy好興致勃勃咁話去北角坐船啦,, 又快又近喎!!!

第一次係北角坐船, 感覺同灣仔/尖咀個d好唔同,,, 少人得可憐!!!!

啱啱走左一班船,, 白無聊賴咁係到周圍望先發現,,, 嘩!! 撞鬼.. 半個鐘頭一班船啊!! 有排等~

Daddy黎到呢到就感觸良多.. 話說佢細個係航海學校讀過下收發電報 (實際做咩我都唔係好知), 所以佢以前細個時日日都黎呢到坐船,, 佢話以前三毫子坐一程, 好快就有一班船,, 依家轉眼間已經三十幾年,, 已經變到$4.5一程,, 仲要等半個鐘! 可想言之真係好少人搭....

你睇下我老豆個背影, 行路既姿勢表露出佢幾咁懷緬過去, 常陶醉一半樂事, 一半令人流淚..... (係我打緊呢篇野既時候, 我一路打, 一路問我老豆懷緬個緬點寫, 陶醉個陶點寫... 哈!! 佢都唔知我係到寫緊佢..heee)

成架船數埋都唔夠廿個人,, 我同Daddy上左二樓坐, 成層得我同佢,, 可以俾我好自在咁周圍影影影....

睇下佢... 又係到唔知諗乜??

最後到左碼頭先知捉蟲... 由碼頭行去德國寶總店好鬼遠架... 又晒又熱,, 好攞命!!! 前前後後用左成個半鐘先到目的地

攪完一輪,, 又喝又攰,, 仲要俾Sale話我係劉太!! 頂....  (我豆老就開心到死, 係咁同我講佢個樣有幾咁後生, 話俾人知有個咁大個女都無人信!!)

途經有一間古老茶餐廳,, 我daddy又話要入去飲茶奶茶喎!

依家仲有人用呢d電制.. 好驚...會唔會漏電架??

好有水準既牛筋腩麵,, 盛惠十三蚊!! 抵到爛~

最後, 我地都係揀返坐106嘆住冷氣返屋企... 一個鐘唔洗!  sigh~