風雨不改

感恩黑雨發生係清晨.... 如果係下午先掛,, 我地都做唔到呢件咁有義意既事,, 感恩感恩!!!

終於等到呢一日, 家姐同Vanlily率先提起為四川災民攪個籌款聚會,, 藉著參與就可以幫到四川災民, 真係好有意義!!  (就算遇著大少返港, 我都一定要參與~)

雖然512呢一日離我們越黎越遠, 但我地既心仍然未熄滅,,, 由Vanlily義賣Cheesebar 至到我地呢個籌款聚會,, 每個人都想為四川災民出一分力!   雖然我地既力量不及電視效應, 但多多益善, 最緊要係個顆善心呢~

今次有一個咁正既場地攪聚會, 當然要多謝Joycelyn既支力,, 慷慨咁借出場出,, 你呢個私竇俾到我地有好溫暖舒適既感覺啊! 

地方好啱我地呢班志同道合既朋友攪聚會, 整下野食, 傾下計,, 就算出面橫風橫雨都無影響我地既心情!!

除左屋主既幫忙,, 當然唔少得既係家姐大少奶啦!!! 我一去到已經見家姐係廚房不停整整整,, 仲有B媽,,, 我地先有咁多好野食!!! (但其實仲有好多熱心既bloggers出錢出力,,, 係到真係多謝你地每一位既出席&幫忙~)

為左籌到更多既善款, 今次唔會做太多食物, 而且選料都以"平"為主.... 但當然一樣好好味,, 係每一款都好好味呢!!!!!  感謝主賜俾我地有健康美味既食物~

除左小食提供, 仲有餅神Vanlily示範整Cheese bar,,, 佢一個要整咁多人既Cheese Bar,,真係勁啊!!!

你睇小朋友幾俾心機去聽餅神既教導!

食飽後大家各自尋樂,,, 有d 圍埋玩層層叠....

有d好似我咁攤係Sofa談天說地...  好舒適!!!!

仲要好多謝我地既會計部小姐烏GG落力點算~

你睇...當宣怖善款後(HK12,xxx),, 大家都好開心啊!!!!  (經一致同意後, 善款會捐去宣明會)

希望大家珍惜生命, 珍惜所擁有既野, 幸福真係唔係必然!!!! 請大家繼續關注四川災民,,, 唔好因為時間既流逝而忘記佢地啊!!

p.s. 請願諒我d相偏黑&唔太豐富,,  如果想睇更多當日既花絮, 請移玉步往其他bloggers!! Thanks~