不自量力

呢個星期一終於開始左我既日文生涯!!

換來四個字 : 不自量力~

成日以為自己有的係時間, 所以唔怕讀密集班, 最好越短時間讀完, 快d可以快杜拜倍下大少....

點知!! 日文好鬼難啊~~~ 我返一、 三、 五朝九午一,  雖然到現時為止只係上左兩堂, 但已經學左人地上一個月要學既野!!!  好恐怖,, 一下字教左好多好多野, 完全都未消化, 就學新野... 攪到我越上越覺得自己不自量力, 以為好簡單, 但原來係另一回事囉!!

唉, 依家洗濕左個頭,, 係無辦法既情況下, 唯有繼續努力, 讀得幾多得幾多!!  唔通真係年紀大, 個腦開始塞塞地??

************************************************************************

放學後, 約左由杜拜返香港渡假既歌師奶食Tea,, 兩個人一講起係杜拜既生活&感覺, 認真係怕怕.......  但為左另一伴, 無辦法啦!!!!   佢今日已經返左Dubai,, 希望佢一路順風,,, 唔好掛住香港啦..heeeeeee

夜晚又約左好耐無見既舊同事食飯,, 地點選擇左尖沙咀利時對面既札榥拉麵, 味道方面覺得一般, 而且地方淺窄唔可以傾食, 不過價錢OK抵食!

Total 大約$110/head~

但呢間餐廳應該幾重味精, 食完我地兩個都超口喝, 最後又去左食糖水..

甜品都係不及金滿亭!

大少聽日返香港,, 可惜我要返學接唔到佢機,, 希望佢平安到步, 有位俾佢upgrade到啦!