我們這一家の探朋友

今日我們這一家+烏GG有一個重任, 就係拉大隊去Cindy屋企探佢, 仲要煮大餐俾佢食!!!

Cindy,  希望你聽日覆疹一切順利!!!

晏晝同daddy去灣仔一帶睇裝修用品後, 因時間緊迫, 係無選擇情況下走去灣仔街市買左條魚, 然後坐地鐵直踩去Cindy屋企, 途中覺得自己極度樣衰,, 好似個師奶咁攞住條魚坐地鐵! 哈~

趁家姐大少奶未到, 我即時要做些事前功夫, 就係將條魚個頭切走啊!!

終於品嚐到家姐做既戚風蛋糕... 真係超級鬆軟啊! 家姐, 我下次要班蘭風啊..

今日餐飯由我地兩姊妹包辦 (當然大家都有份幫手啦, 尤其看似最忙個位烏GG,, 最後好似乜都唔洗佢做, 因為佢實在太龜速啦..heeee!!)

青紅蘿蔔海底耶湯 - by Cindy's 鐘點姐姐

出自我手既有....

鹽水雞 - Daddy教我既簡而清烚雞方法, 好彩都見得下人,, 多謝大家俾面!!!

另外就係一條"無頭陳皮蒸烏頭".... 條魚蒸完好滑, 其實我諗唔係我技術好, 而係烏頭既肉應該係比較滑身, 點蒸都好味呢!

家姐大少奶既出品有...

蕃茄磨菇焗豬扒飯.... 超鬆化既豬扒, 好好味啊!!! 大家食到'lam lam脷'呢!!

***如果想煮到咁好味既野, 記得買大少奶既書啊.. 獲益良多***

家常小菜 -  蒜蓉炒白菜仔

四餸一湯, 焗豬扒飯任裝... 好豐富!!!!!!!

Karen,, 呢到諗住留俾你架, 但太好味, 俾菇菇姐&烏GG 食埋啦..heee

我地呢班餓底為食怪又點會無飯後糖水!! 多謝菇菇姐外買返黎既金滿堂甜品~

yeah... 有我至愛榴槤飄香, 好滿足啊!

飯後幾個女人又係雞啄唔斷,, 家姐仲講到好"興奮"添啊!! 呵~ 個個都飽到唔願走....

但其實未完,, 臨出門口先記得, 烏GG帶左佢既愛心"紅荳糕", 賣相雖然好另類,, 但味道好好呢,, 我鐘意呀!!!!

我今日食左幾日無食既飯啊, 菜啊, 肉啊, 甜品啊.. 個個飽到好似有四個月咁走,  呢班女人真恐怖~