噢! No....
大少今日飛走左lu.. 兩日時間, 快如閃電!!!
心情未開始低落,, 因為仲回味呢兩日緊同佢一齊時既快樂時光... 我諗,, 頂多兩日, 我應該又會發作!! 
大少臨走好溫柔咁同我講, 叫我唔好扭計, 要扭留返佢下次返黎先扭! 因為佢知道我一見到佢就乜野唔開心都無晒, 所以留返佢返黎先扭, 就等同無事!
唉! 又要等多一個月啊!!! 
可能大家一直都好奇怪, 點解我今次遲遲都未返杜拜倍大少?! 原因其實有幾個...
原因一 : 我將要搬屋,, 終於可以離開地獄, 搬去屬於我同daddy既家, 好開心!! 所以我要留低同daddy計劃下點裝修&買家俬,, 有排忙!!!
原因二 : 眨下眼, 過左去杜拜都有年半... 回顧我只係做一d家庭主婦既工作,, 雖然我好enjoy, 但趁後生, 我仍然有興趣想去學自己想學既野,, 目標係 --- 日文/去日文短期留學!!
原因三 : 黎緊可能兩三個月都會留係香港,, 所以我想搵份工啊!! Part Time 最好,, 長工如果啱做都唔驅,,, 總之唔想游手好閒咁過日子!!!
基於種種原因,, 所以我暫時都唔會返去住,, 大家唔洗再擔心問我點解唔返去啦!!
你地可能會好奇問我 : 你捨得大少啦?? 佢一個人咪好慘?!
我當然好掛住佢,, 恨不得立即返去!! 不過做人好矛盾,, 我既想見佢, 但又想趁後生做下自己想做既事... 我都唔知?! 但好多謝大少一直都好支持同鼓勵我去做自己鐘意做既事,,, 有佢既支持, 當然開心啦... 起碼我做乜都可以好放心!
但相反我有時反而會怪大少好似無我係身邊都無乜所謂咁?! 不過我份人就係咁麻煩.. 又想佢支持我, 但更想佢留住我, 同我講好想我快d返去!!! 哈~
尋日同大少去睇"我男友搞乜鬼... 有隻死鬼未婚妻", 好好笑,, 有機會去睇睇!!
Diana
回覆刪除睇左你個blog好耐啦~今次見你返來hk好唔開心~ 記住唔開心嘅日字唔可以太耐~人生苦短呀~一定要增取時間多d開心快樂先係嫁~
知道你今次返來hk嘅原因~我會支持你嫁! 而且覺得你好勁呀!比我就唔捨得離開大少啦~hee~不過你一定要努力加油呀! 好好開心咁過每一天呀!
mamamia
[版主回覆05/04/2008 01:50:00]多謝你既留言啊!!!!
我知架啦,, 我會學識放開懷抱,, 好好享受每一日,, 開開心心!!
多謝你!
明白明白.....................................
回覆刪除[版主回覆05/04/2008 01:49:00](Empty)
有新居, 發揮吓你嘅設計天份啦! 加油! 想做就去做
回覆刪除[版主回覆05/04/2008 01:49:00]唉, 呢樣野我麻麻地咋, 所以都幾煩惱, 不過可以搬走,, 我好開心!
發揮你的潛能~支持你~ 加油!
回覆刪除[版主回覆05/04/2008 01:48:00]多謝支持啊!
小別勝新婚! 好好享受你在香港, 仍然自由的日子! 遲d如果結婚生仔後就冇咁既自由喇~
回覆刪除[版主回覆05/05/2008 00:47:00]我明白, 所以我依家就係趁未生BB , 做多D自己想做既事!
一切隨心做啦. 祝福你.
回覆刪除[版主回覆05/05/2008 00:45:00]多謝你!
如果可以做到自己想做的事都幾好架~~~
回覆刪除[版主回覆05/05/2008 00:45:00]係好好.. 但有時會好掛住大少囉!
大少唔係唔捨得你,而係你有目標, 佢想你去完成o者!
回覆刪除一個人愛另一個人先想對方好...你一定明既 ~
[版主回覆05/05/2008 00:43:00]我知佢好..但我係一個超級麻煩既人.. 唉!
哈哈...其實佢支持你去做你自己想做o既事咪仲開心過佢留住你
回覆刪除你開心=佢開心ma
anyway, 你仲有幾個月先走, 咁都好d...hehheeeeee..我仲有一個week 就考完啦, 等我呀!!!!
[版主回覆05/05/2008 00:43:00]雖然我知佢好好,, 好支持我.. 但你都知我幾痴佢啦.. 無得見, 真係好慘!!!
你快D考完試搵我啦,,再唔係我拆個胭脂用架啦!
小別勝新婚！好好利用這段時間來充實自己，大少下次再見你時，你已是一個全新的幸福小女人了！
回覆刪除[版主回覆05/05/2008 00:42:00]如果要做個全新幸福小女人, 我首先要減肥先!!!! 等佢見到我眼前一亮!! (不過好難減啊,, 香港咁多美食!)
hihi 來支持你
回覆刪除第一次嚟你blog
[版主回覆05/05/2008 00:41:00]thank you!
Diana, Long time no chat! Glad to see you & 大少 are both fine!
回覆刪除我都 hea 過一大段日子，每日吃喝玩樂陪貓狗, 真係好relax (連皮膚都靚D) !! 不過，有時都會想有自己的achievement 呢! (貪心的我!)
不過要我同伴侶分開2地，我又未必做得到 (點解好似女人比較多呢種去留問題gei?) ! Anyway, 你好叻啊，好破釜沈舟啊!!!加油!!!!!
[版主回覆05/05/2008 00:41:00]人就係咁矛盾,, 做野時又想唔洗做, 唔洗做時又會諗自己唔做野好似好頽廢咁!! 唉~ 女人就係咁麻煩~
原來是這樣!!!!~WISH U ALL THE BEST!!!!~
回覆刪除[版主回覆05/05/2008 00:40:00]thank you!
去得日本 , 就唔好淨學日文啦 , 學埋美容或修甲 , 或者去學整餅 .一轝兩得呀......咁樣唔會好似單學語言咁悶 , 又可以同時學多樣野 ,個度有3個月 , 半年課程 , 係完全非常正式同有系統 , 學到野既 , 學完仲有被認可證書 , 你第日返港都絕對有用 !祝成功 !
回覆刪除如果單學日文 , 根本唔需要過日本 , 香港都有全日本人教既密集課程 , 係銅鑼灣 , 1粒中文都冇 , 迫住你由字母開始 , 睇 , 寫 ,讀 , 一星期4堂 , 每堂3粒鍾 , 1個月等於其他學校3個月進度 , 學完你可以去日本打橫行都得......好掂. 仲唔使過日本俾咁貴食宿,學費.......
回覆刪除[版主回覆05/05/2008 00:39:00]多謝你既意見!
你不如一邊學日文、一邊學化妝呀，你咁靚，做新娘化妝，一定好多人幫襯。 加油呀!!!
回覆刪除[版主回覆05/05/2008 00:39:00]哈..多謝你先!!
其實新娘化粧SET頭, 水晶甲, Gel甲, Facial我乜都學晒啦... 考埋試添.. 如果有機會, 我都會接job 既!!
妳的上進心驅使我留言.
回覆刪除我十分鼓勵妳進修下增值自己. 我認為而家唔學, 再過幾年就會難學難入腦0的.
[版主回覆05/05/2008 00:37:00]其實我份人一D上進心都無, 不過我又好怕自己將來後悔,後生時乜都無做過..haaa
原來係咁既～我支持你，加油呀
回覆刪除[版主回覆05/05/2008 00:37:00]thank you so much!
我支持你啊~~幫你留意吓有無PART TIME o既工啦~~
回覆刪除[版主回覆05/05/2008 00:36:00]好呀好呀!! thank you!!!
原來係有咁多原因，先至唔返杜拜住，睇你有咁多原因，我諗起碼4-5個月都仍然會係HK喎﹗
回覆刪除你所想的矛盾，我都好明白，我都好認同，因為我遲下都有類似的情況要諗呀﹗﹗唉﹗
不過，睇過你呢篇野之後，我都會學識放開懷抱呀﹗
[版主回覆05/05/2008 00:36:00]我諗最少都要留兩三個月, 如果報埋日文學, 可能唔止添!!!
你遲D都要同你男友/老公分開啊?? 咁你諗住點啊?
原來係有咁多原因，先至唔返杜拜住，睇你有咁多原因，我諗起碼4-5個月都仍然會係HK喎﹗
回覆刪除你所想的矛盾，我都好明白，我都好認同，因為我遲下都有類似的情況要諗呀﹗﹗唉﹗
不過，睇過你呢篇野之後，我都會學識放開懷抱呀﹗
你留番係香港噤咪可以成日見大少奶law...
回覆刪除你想做d 咩家part time呀? 等我地幫你睇下~
[版主回覆05/05/2008 00:35:00]哈..係呀,,, 大少奶係我精神食糧.. heee
我想做既part time最好係, 時間唔太長, 返五日,, haaa
我以前做開秘書架! thank you!!!
我覺得你好叻呀, 比我就唔捨得, 你要加油呀, 向住自己既目標進發
回覆刪除[版主回覆05/05/2008 00:34:00]我都好唔捨得.. 但我又唔想老左回望返自己, 好似乜都無試過!
一段感情喺要經歷先可到老,努力,加油
回覆刪除[版主回覆05/05/2008 00:34:00]知道.. 多謝!
如果可以做到自己想做ke事都幾好woo~
回覆刪除[版主回覆05/05/2008 00:34:00]無錯...
趁後生學多d野好既,而且你留係香港又可以陪下你daddy!
回覆刪除大少支持你,你應該開心,起碼証明佢唔係一個自私既人!
[版主回覆05/05/2008 00:34:00]無錯啊.. 我又可以倍下DADDY,, 屋企最近發生好多事,, 我要留係到倍住佢啊!
大少其實真係好好,, 反而係我好麻煩, 成日好情緒化,, 我要好好檢討下!
妹妹
回覆刪除日本留學學日文都係好事，起碼活學活用
去短住又可以實驗下當地生活，開心之餘又可以有另一番體會
生活上負擔得起既，就可以學自已鍾意同依喜愛既生活方式去做
有無實際用途都好，自已開心就可以唔駛顧慮太多
支持你既家姐上
[版主回覆05/05/2008 00:33:00]家姐,,
你好明白我啊!! 我就係想去第二個國家體驗下... 想趁後生, 開下眼界麻, 如果可以,, 我直程想去外國留下學添.. hee
我會再睇清楚邊樣課程啱我.. 多謝你既支持!!
妹妹上
見完大少 = charge 完電 = 開心番
回覆刪除而且你已經 set o左 target, 你就要俾心機去做啦 ~
我一定支持你啊 ~
記住 : 你快樂所以大少快樂!!!!!
[版主回覆05/05/2008 00:31:00]知道啦!! 多謝你啊~
錫啖先!
好.........
回覆刪除你重後生,可以選舉,我就一家大細,無得諗啦!!!
去邊到都好,最重要係有目標,你可以在香港讀下日文,去到日本都識少少,咁會好d呢??又可以多d見到你...哈....
有自己的家真係好正,我都好想你開心,第時可以返到來都有自己的安樂窩.亦可以去你到返轉廚房啦!!!
[版主回覆05/05/2008 21:48:00]我都想快D攪掂間屋, 跟住就可以做我自己鐘意做既事!
如果學埋日文真係唔係幾個月既事 , 不過學多d野增值下自己都好既 , 我都覺得如果一直唔做個人會懶嫁.
回覆刪除[版主回覆05/05/2008 21:49:00]係啊, 我已經變左超級大懶蟲!
去日本讀書好丫, 活學活用, 而且想做就去做,
回覆刪除真係好難得, 我都好想呀!
[版主回覆05/05/2008 21:50:00]我都係咁諗, 去日本可以有多D體驗, 人生無乜幾何可以咁!
趁後生學多D野好呀!!
回覆刪除俾心機,加油
[版主回覆05/05/2008 21:50:00]多謝~
去日本留學好丫，趁住而家無咩束縛就去做喇~
回覆刪除我相信大少無你係身邊都會好掛住你，不過d男人好少好似電視劇咁，講到出口話無左你唔得。
支持你~
[版主回覆05/05/2008 21:50:00]無錯啊! 我就係諗趁依家未有小朋友, 可以做乜都得,, 將來可能就無咁free啦!
如果男人可以好似做戲個D咁SWEET, 就好啦!
趁後生做喺自己想做既嘢唔好將來後悔嘛, 有目標就要向前行, 大少對你好先留你喺到比你做你鍾意既嘢啫, 一啲都唔自私
回覆刪除有目標，生活更充實，加油啊~ 支持你！
回覆刪除人大咗識得為自己打算 襯後生學多點, 我支持你啊!
回覆刪除我都好支持你趁後生做吓自己想做嘅事呀!!! 我都想有你咁嘅決心同自由, 真係好羨慕你呀.
回覆刪除女人就係咁予盾架喇, 好在大少好錫你好體諒你, 你真幸福呀!
回覆刪除加油！後生享受多d學多d野，第時有自己家庭就唔得啦！
回覆刪除