甜蜜蜜

大少前幾日通知我五一會返香港兩日, 再去第二到開會...

雖然只得兩日,, 但好過無, 所以我會超級珍惜

原本一早約好朋友呢幾日吃喝玩樂,, 但sorry,, 所有活動要即時停止進行,, 直至另行通知! (sorry...)

今日同大少家人提早食母親節晚飯...

其間提及到大少以前養過一隻狗, 曾經係佢既枕頭到疴過屎!

大哥 : d 狗係你床到疴屎即係表示有野想同你表達

大少 :  係呀,, d狗唔會無啦啦係張床到疴屎疴尿, 佢地肯定有野想表達,, 應該係因為掛住個主人, 聞到佢陣味,, 想引佢注意, 所以先咁做!!

大哥 : 係呀係呀....

然後一班人繼續七咀八舌咁講野...

我突然細細聲, 好認真咁係大少耳邊同佢講 : 下次我又試下係你個枕頭到疴篤屎先...

大少 : (爆笑)...

我 : 到時你應該會明我係有幾咁掛住你!

大少係我既靈丹妙藥,, 一見到佢, 我咩唔開心都拋諸腦後!!!  同埋要感恩係,, 家中既煩擾事明朗化...希望一切順利!! 感謝主~