庵春

今日又同daddy, 姑姐 & 表妹去食下午茶.... 地點選擇平時超多人既"峰壽司"

落左兩日雨, 今日天氣涼涼地, 但又好好天.... 人都精神d!

無左三越既銅鑼灣, 好似光猛左好多!!

一口氣食左好多野... 飽到夜晚都唔洗食~

埋單時, Daddy係銀包攞card出黎簽, 俾我發現佢銀包入面有張以前好興既即影即有相咭, 我即時不滿大叫 : 哦................. 你同你女朋友去影貼紙相!!!!!!!! 哼~

然後搶左黎睇... 一望

噢,, 原來張咭係我七年前同佢係灣仔某貼紙相店影架!!!!   估唔到Daddy一直放係銀包到... 我仲要大聲夾惡話佢同第二個人影添~~

我即時變左隻"庵春"咁嗲我老豆 : 算你啦, 原來係我同你影架!! heeeeeee (真係好尷尬!!)

Daddy即時話我 : 你真係以小人之心, 度君子之腹!!!

車... 我鬼知你咁好喎,, 等我都要搵返呢張咭出黎放係自己個銀包到先!!!

DADDY,, 我愛你!