預祝聖誕

第一次做Tiramisu, 真係一頭煙啊!!!!!

一直都無諗過做, 直至見到Vanlily post出既食譜好似好易, 所以把心一橫買左一盒Mascarpone Cheese

不過買左之後就一直得個放字, 放到我臨走前一晚執雪櫃後先發覺 ---------過左期啊!

過左一個禮拜呢.....  

但我仍然堅持要用, 因為真係唔捨得掉啊! (當係練習下都好~)

不出我所料, 唔成功啊!!!!!  嗚~~~

太耐無做過mousse cake, 好似完全唔記得點樣控制魚膠, 攪到個蛋糕唔夠實, 好易溶啊, 一用火搶'彈' 邊甩模就已經溶啦~

灑上可可粉後, 拎起張紙模都沾走d mousse , 攪到個面變左"張學友"!

今年會係香港過聖誔, 除夕, 生日同新年...  係香港應該無乜機會做蛋糕麵包, 所以用聖誕紙模黎裝飾呢個蛋糕, 預祝大少聖誔快誕啊!

食第一啖時真係有驚喜啊.... 同出面既味道好相似!!!!

不過再食多兩啖就會知原來又係另一回事呢.... 一來唔手指餅唔夠多, 而且咖啡酒味唔夠重添, 一味只係食mousse 食食下都好厭, 好漏啊!

人地話Tiramisu 係入門級好易做既蛋糕, 但對我黎講都有難度呢~

今次個食譜係跟: 名廚. 甜點