十二月之星生日會@私竇

期待以久, 由係杜拜時已經一直等呢一日, 就係今日啦!

十二月既生日會, 又係o係私竇舉行.... 去到熟晒, 一去到好似返左屋企咁! 哈~

今次主角係家姐大少奶 & 人見人愛Tan Tan

而食物主題係"秘密的自由選擇住家菜", 每人都要親手煮一味上去, 唔可以買呢!

對於烏G,阿茄&我黎講, 都好頭痕啊! (我每次返到香港就好似唔識煮飯咁, 個腦自動閉關!!)

唔講太多... 去片:

私竇今次多左一大堆酒啊! 家姐見到第一時間自隊呢....

呢隻紅雞蛋應該係mini送俾壽星女兩位,, 好有心呢! 

Tan Tan 整既"真既"提子乾鬆脆士干, 唔係薯片黎架!

家姐大少奶"懶神秘"之作, 西式咸蛋蒸肉餅.. (哈, 估唔到我有機會食到呢! )

 

以上兩款你地估下係邊個做既???

答案係: 烏GGGGGGGGGGGGGG啊!!! 佢今次竟然做到超水準食物, 係咖喱魚蛋蘿蔔同醉雞翼呢... 兩味都好好味! 抵讚啊~

 

B媽水準之作, 蒜蓉味&芝士味烤大蝦!!! 

mini妙手之作....溏心蛋啊!!!! 洗唔洗咁溏心啊? 佢每切一隻蛋都令到我地"嘩"一聲啊...

而呢款係家姐既超級"粉絲"CC所做既素菜薯餅.... 大家都一致讚好味呢!

CC, 下次到我生日, 記得黎, 兼且叫埋你家人啊! 知道嗎???

呢款芝麻蝦多士係飛E整架!!! 未食已經聞到d 蝦肉超香... 飛E每次都有驚喜之作! (但我仍然好懷念你上次做既泰式沙律啊~)

繼姐一貫作風, 讓野之作 ----  芝士貝殼粉讓磨菇&三文魚, 正啊!

噢... 呢款簡單得黎又帶點不平凡既炒帶子就係小女子"我"炒架!!! (我知家姐一定會串我,, 所以我自首先,, 無錯, 呢款帶子曾經係大少奶個blog到介紹過, 吉之島現成有得賣, 一炒就OK, 十分簡單!!)

不過都叫做有炒下, 落過油, 鹽同黑椒啊! 阿茄整個款仲.......... 唔講, 想知就去佢地到睇啦! (因為我唔記得影..)

仲有仲有高潮位啊..........

菇菇姐同茄子人送上既"哈根大"朱古力火鍋啊!!!!!!!!!!!!!!!!!!!!!!!!!

此火鍋令tan tan一度陷入朱古力漿裡出唔返黎呢~

外賣原來係無生果&蛋糕提供, 但會相對俾多D雪糕球... 我地食得好興奮啊!

多謝茄子人!!!!

最後最後當然唔少得餅神Vanlily既生日餅啦...

紅酒黑加輪子mousse cake, 做得好靚, 個邊有花紋的!!!!! 大開眼界呀...

另一款係香蕉吉士泡夫山,, 超好味!!! 吉士已經正, 仲要有埋香蕉味.. 真係好好味啊!!!!

今日一去到私竇直到走個一刻個口都未停過... 係咁不停食, 飽到反肚! 
食完又係唱K兼玩Pictionary,, 我地棄嬰組除左輸運外, 最慘係被烏G出賣, 佢竟然係對方估緊既時候, 將個答案大大聲咁講出黎.. 真係俾佢激死啊!  

************************************************************************

家姐,
祝你永遠快樂, 快樂最緊要啊!!!!!!!

Tan Tan,
祝你個樣快D大個d, 咁就唔會俾人咩啊!!!!!!