一箭三鵰

尋日係廚房入面整野, 情況可以用打仗黎形容啊!

一箭三鵰你試過未?

早前買左半個南瓜, 一直好想跟家姐大少奶本書做南瓜湯

後來發現南瓜太多, 除左可以做南瓜湯外, 仲可以做埋南瓜包添~

再後來發現仍然有南瓜剩, 唔想再留, 一於整埋佢!! 最後, 又係跟家姐曾經post過既食譜做埋南瓜糕!

就係咁, 一口氣係廚房攪左三樣野出黎, 實行o黎個南瓜宴!heee

南瓜包有少少過度發酵既現象, 皆因我掛住上網同朋友打Online game, 唔記得左佢!

 不過話時話, 我跟<曾美子教你第一次做麵包>個食譜----佢寫用300g高粉, 60g天然酵母, 如果轉返做instant yeast, 咁豈不是即係用20g????  有可能要用咁多咩yeast咩?? (我check過佢其他Recipe, 當中有幾個都係咁, 即係應該唔係打錯字!!  各位大師請指點!!!)

另一款當然係主角南瓜湯 (大少奶書P.131頁)

呢個湯超級鬼馬, 因為你係永遠都估唔到原來係簡單成咁?! 連我做完都呆左一呆, 將食譜睇完再睇,, 心諗: 下, 咁就煮好啦?! 

最抵死係個味道又好正啊喎, 你話係咪鬼馬...

又係因為掛住打online game, 原本想做peter仔, 但唔夠時間, 改為做個Upgrade版餐蛋飯俾大少食!! 哈~ (大家唔好以為我刻薄佢, 餐蛋飯係佢同我講左好多次好想食, 係佢至愛之一o黎架!)

最後一款南瓜糕, 煎得好樣衰... 頭幾件完全係燶晒, 學唔到家姐個d煎得咁靚啊! 

但食落原來同年糕一模一樣, 好神奇啊!! 估唔到咁簡單既步驟, 就可以做出平時無諗過自己做到既食物出黎..勁啊!!!!!!

家姐, 你有咁多"簡而清"既食譜, 你快d再出多一本書教埋我地啦, 好得啊!!!!

P.S. <大少奶的自悠煮意生活>已加印第二版, 書中仲加插一段大少爺既深情文字, 未買既你萬物錯過啊!!!!!