又係夜晚先黎手痕, 今次試做自己好鐘意好鐘意食既中式甜點 --- 笑口棗
眼見食譜超簡單,, 不妨試下, 過年可以整定放係屋企招呼親戚朋友呢!
話晒今年過年係第一年有自己既屋企, 可以名正延順請人黎拜年啊, 諗起都好開心!
新鮮炸起既笑口棗, 待冷卻少少後進食, 真係超正! 外脆內軟, 同去飲既美甜雙揮一模一樣啊! (Tan Tan, 我地以後可以自己整, 唔洗去飲時同人搶黎食啊!)
Jenny Bakery既盒又用啦!!!
不過今次真係'乃'晒野, 呢兩日口痕就食兩粒,, 就黎食晒, 想唔肥都幾難!!!
食譜
材料: 可做25-30粒
白油/牛油/豬油勻可(我今次用豬油): 20g ; 細糖: 80g ; 鹽半茶匙; 蛋: 80g ; 低粉: 200g ; 泡打粉1茶匙; 白芝麻一杯
做法:
1) 低粉, 泡打粉過篩後倒入蛋, 糖, 鹽略略拌勻再放入白油搓至成光滑麵團, 用保鮮紙蓋面靜止30mins
2) 將麵團分割成適當大小, 手沾少許水把小麵團搓圓, 再滾上白芝麻
3) 油溫燒至180度, 放入小麵團後熄火, 用餘溫將麵團炸至浮起
4) 當麵團浮起後再開大把炸至金黃, 即可撈起
做後心得分享:
1) 搓粉時只要搓至無粉狀, 光滑至可 (我帶左透明膠手套搓, 唔洗攪到成手係, 尤其指甲邊)
2) 分割麵團可依照平時食開既笑口棗再做細1/3, 因為炸起時麵團會發大, 故不用做太大
3) 小麵團沾上白芝麻後輕輕按實, 以免落油炸時芝麻大量脫落
4) 最後步驟主要係用大火將油迫出, 故不用炸太耐, 否則會變黑
5) 我唔想用太多油, 故用小煲黎炸, 分三轉; 但切忌唔好太少油, 否則睇唔到麵團浮起既狀態! 平常炸完既油如唔太污糟, 我會過濾後倒入樽留下一次用!
F
回覆刪除