平安到港.... 感恩~
今次坐飛機其間做左好多失禮人既事
首先因為訓著左, 空姐叫醒我食野時, 一時被驚醒攪到倒瀉杯水 (最慘係倒落隔離個位到!!!)
十萬個唔好意思... 但好彩杯水唔係剩好多, 而且呢位外國人仕好好人, 無介意之餘仲安慰我叫我唔洗咁唔好意思
之後臨落機前一個鐘有份Refreshment, 當我食緊生果粒時, 唔小心挑起粒哈蜜瓜, 又彈落隔離位個外國人到.....
Ohhhhhhhhhh.... 當時只有一件事想做, 就係"搵Lung捐"
唉... 枉我一世自以為英明(至少唔係'輪盡'既人), 但竟然係七小時內犯兩次差不多既錯... 太過份!!!!!
無計, 就當個位外國人仕唔好彩, SORRY!
*********************************************************************************
今次搭早一班機, 落機時係早晨六點, 天都未光...
返到香港感覺好舒服, 每樣事都有系統, 有秩序... 令人感覺有安全感!
可能因為唔夠訓既原因, 落機時已經見到一邊眼異常地腫起, 返到屋企後更發覺眼部四周都好痕好紅...
最後懷欵係個眼罩唔乾淨, 攪到眼部四周敏感到..
啱啱睇完醫生, 今晚要好好訓一晚回魂充電, 為我黎緊一連串既精彩活動作好準備呢. yeah~
WELCOME~~~~~~
回覆刪除[版主回覆12/10/2008 21:12:00]thank you~
返到黎香港真係好開心呀???? 平平安安回來就好啦!!!!!!!!
回覆刪除[版主回覆12/10/2008 21:12:00]多謝你啊!
welcome back~ 好彩你係挑起粒哈密瓜, 如果你挑起pat雪糕仲慘~
回覆刪除[版主回覆12/10/2008 22:49:00]其實都差不多, 一樣咁樣衰,, 嗚~
好彩隔離個位唔係靚仔, 唔係咩面都無..
你返黎HK都幾密喎! 係咪都係HK熱鬧D呢?
回覆刪除[版主回覆12/10/2008 22:49:00]緊係啦!
我估唔係你既問題 而係飛機上無左地心吸力0者
回覆刪除[版主回覆12/11/2008 00:55:00]哈... 你真係好!!!
做乜咁失儀呀.....平時你d"上等人"舉止去哂邊?!?!?!
回覆刪除Kathy上次話約埋一齊食飯但約唔到, 今次約返 ~
[版主回覆12/11/2008 00:53:00]咪係囉, 平時我D行為都扮得好似好大方得體架麻... 尋日真係老貓燒鬚啊!
約啦...你想幾時!
你不嬲咁ELEGANT, 做咩變左ELEPHANT?
回覆刪除[版主回覆12/11/2008 10:50:00]haaaaaaaaaaaaaaaaaaa
其實不嬲係elephant, 但扮到好似elegant..haaaa
oh, Diana: You are so lucky! Christmas in HK. Have lots of fun! by the way, i baked the black sesame bread la....but something seems to be missing! Not sure what ingredient i miss though!
回覆刪除[版主回覆12/11/2008 10:50:00]如果跟足MC個食譜, 應該無問題喎.. 你係覺得食落有問題定點???
wakakakakak, wakakakaka....! sorry sorry, 我真係忍唔住... 你實在真係好失禮...! 你唔好同我講你果刻係頭又亂, 眼又朦咁既樣架!! (好醜怪呀你...)
回覆刪除[版主回覆12/11/2008 10:51:00]笑啦笑啦,,, 講得出黎預左俾你地笑我架啦!!!
個頭應該有D亂, 對眼唔只朦, 仲好腫啊, 勁醜怪~ (差在我未有哨牙) haaaa
嘩~~~Ｄ眼罩咁污穢架 ?
回覆刪除[版主回覆12/11/2008 10:52:00]其實個眼罩係我私人架, 我用過幾次無洗過.. 無諗過都咁大影響力啊!
平安返到香港la..恭喜你呢..今次返黎排晒d活動未呢??
回覆刪除[版主回覆12/12/2008 01:04:00]十二月都差唔多啦!
Welcome Home
回覆刪除[版主回覆12/12/2008 01:04:00]thank you
個位咁細, 行動緊係唔方便.. 最衰都係啲飛機!
回覆刪除有一次出街食飯, 一時跣手, 成隻叉飛咗去隔離檯, 重要插到人, 我勁唔勁先??
最近呢次搭飛機, 又係跣手, 想紜個背包放上行李格, 點知跌落個女人個頭到 (里面有支長鏡 + 機), 都叫做好彩拉住咗, 係咁而卜咗佢一下.
[版主回覆12/12/2008 01:04:00]mini,,你真係好啊!!!
聽你講完, 我又真係舒服D, 覺得自己都唔係太'論盡'姐, 哈哈!
哈,好好笑,反而我諗你之後整段機程會好唔自在囉~ 你有無因唔好意思然後硬找些話題同外國人講呀?
回覆刪除[版主回覆12/12/2008 01:03:00]我有同佢傾左一陣, 但由於我前一晚無乜訓, 我都好攰,, 講完一陣就又訓過...haaaaa
咁快又返黎 HK 既, 今次會留幾耐先走呢??
回覆刪除[版主回覆12/12/2008 01:02:00]almost 2 months la
你返左來hk ar!!!~會stay 幾耐ar??會在香港過新年ma??
回覆刪除[版主回覆12/12/2008 01:02:00]會啊!
你返香港過聖誕和新年？
回覆刪除[版主回覆12/12/2008 01:02:00]係啊!
(Empty)
回覆刪除Welcome back~
回覆刪除[版主回覆12/12/2008 01:02:00]thank you~
冇問題, 咁等你有時間先啦 !
回覆刪除平安就好啦!!!掛c人啦!!!
回覆刪除好好休息,重新得力,來個盡興的聖誕節.........有無我份架....哈...
你返咗嚟實在太好喇！ 咁大少有無陪你返嚟呀？
回覆刪除