病前的同學聚會

食左兩日藥, 個鼻終於無再咁塞,, 原來鼻塞真係好討人厭, 除左令人訓得唔好外, 攪到個腦都好似塞埋, 成日頭痛! 

今日去攞返部notebook, 終於整好, 前前後後去左四次維修中心, 因為之前整好攞返黎用唔夠半個鐘又死機, 希望今次係最後一次, 唔好再死..

係我病發當日, 約左好耐無見既中學同學食晚飯.  原本呢D相以為會隨著部機死左而無晒, 但今日攞返發現D相仲係到喎...heee

森森同學今次帶左我地去呢間穩閉泰國私房菜, 無佢帶路真係永世都唔知呢到有間咁正宗既泰菜食啊! 

裝修服務欠奉, 但勝在夠平夠正宗! (但上菜時間較耐....)

冬陰功湯,, 唔算好辣...好合我口味!

生蝦啊!!!!!!!!! 我掛念多時既生蝦.....超讚~

炸蝦餅..... OK啦!

鮮蝦柚子沙律.... 佢地d真係即叫即整, 好新鮮! 因為我地order完呢碟先見佢地施施然係到搣柚子(等到頸都長!)  但真係好好味, 柚子好甜... 同學A食到差d連碟都脷埋...哈!!!!

泰式炒通菜... 勁大碟, 蔬菜多多都食得晒!

泰式白雲鳯爪...  反而呢個好似少左d

海南雞飯 (上雞下飯)  , 香港既雞係最好味...雖然可能都係冰鮮雞, 但都正過杜拜好多呢!

海南雞飯既飯係一大煲奉上, 唔係得一碗, 真係好抵食啊!

最後仲有香芒糯米飯啊!!!!!!!

我地四個人TOTAL 叫左八樣菜兩個椰青(埋單都係四百三咋), 但竟然都可以清晒.... 好勁啊!  最鐘意同d 鐘意食野既人食飯, 鐘意食乜都可以嗌, 又唔怕食唔晒,, 哈!!!! 最唔鐘意食兩啖就話飽既人, 哼!  (因為會顯得自己好大食)

不知不覺我地已經識左十五年啦... 其中一位同學仲要係識左廿一年添啊!!!! (好驚!) 

平時都唔覺時間過得咁快,,  讀書時期好似仲係前幾年既事...  但唔講唔覺, 一講就會好驚嘆點解時間會過得咁快架????? 

森森同學,, 希望你身體健康, 快D心想事成啊!

提外話:

就係當晚食完飯行出街, 陣陣寒風, 未返到屋企已經喉嚨痛兼鼻塞... 唉! 大家黎緊都要小心身體啊!

餐廳資料:
琼姐泰式私房菜
地址 : 銅鑼灣登龍街20-22 號1樓 (上樓梯後分岔口轉左)
電話 : 2575 7128